【雜誌】江華浮沉多年學懂妥協

* 編按:
其實師傅也演得很好，跟悟空的對手戲也很好看，
但順著劇情發展，大家比較偏愛和疼錫空空是很正常的吧~
而且.... 看著一雙懂說話懂演戲的眼睛，你是很難不被吸引的呀。❤

日期: 1996年12月25日
來源: Forever KW
雜誌: 香港電視，期號不詳

江華浮沉多年學懂妥協 (節錄)

江華謂，很多是是非非，都是他的性格使然。但現在，他會不斷警惕自己。他說：「其實呢個係我向來的缺點，亦是我的優點。」

事情雖已過去，但江華在大家心目中的形象，未必完全正面，他會怎樣重新建立一個正面形象，也不禁問他一句：「覺得很困難嗎？」

他答道：「其實你話好困難，又唔係好難，你話唔困難咩，又唔係。而我一直以來做人的態度就係盡自己的能力去做自己野。基本上人地講乜，我係唔會理會的，正如我接拍『西遊記』一樣。其實我過黎TVB是抱著一個願望的，我入行十年，點解起初會入了別台的訓練班呢？因為那時無線還未有訓練班。今次過來TVB，其實真的很高興，因為想耐是一個心願，我是將自己咁多年所學的，有機會可以做給人看，但公司叫我接一個叫『西遊記』的劇個陣，個心有少少……（江華嘆著氣）仲要做唐三藏。好多人都知道唐三藏係一個乜野角色，可以話無戲畀你做， 個陣自己一腔熱血過黎，諗住大展拳腳、攞分，表現俾人地睇，我唔係話『西遊記』唔好，後來自己亦與曾勵珍、監製傾過，係個角色真係唔得發揮，但如果要演得好，是很難的事。」

江華似是有點埋怨，但他只好認命。他覺得，友人順風順水，一出來便成天皇巨星，有些人就要捱很多苦才有機會給人認識，畀人認同，江華說：「我想我是屬於後者了。」

「真係可能命水問題，我好易惹是非，仲係反面多過正面，我唔係專登惹是非，但是否只得我有是非呢？唔係，但偏偏在江華身上的新聞就負面多過正面，我真係唔知點解，可能我畀人的印象唔夠圓滑，我好少同人打關係， 諗番當年都幾憨居，成日以為演好個戲已經Okay，其他?唔需理。但一年一年過去，我覺得不單只演幕前的戲， 幕後的戲都要做的好好，才是成功的。」

「你是不喜歡去做，還是不懂得去做？」我問。

「我係唔鍾意去做，我相信幕前的戲我可以演，但幕後的戲我演不到，都是演戲嘛！我份人唔鍾意虛假，覺得好無謂，但我絕對知道做呢一行是絕對需要的。」

江華自稱向來無乜新聞，有都是不好的新聞，一向極為低調的他，已由不做任何宣傳變得每個宣傳都會出席，投身TVB後，他會有什麼希望改變呢？

他堅決答謂：「基本上係無，我一直都是做番自己，盡自己能力做到最好，其他野我唔會理。」

江華向來的運氣也不太好，縱然演技有人欣賞，曾在香港電影金像獎中得過新人獎，但浮沉多年，以令他開始妥協。

「六、七年前，曾試過作第一男主角，但海報居然無自己張相，我自己都問點解， 佢地話我在海外的知名度不足夠，個陣我告訴自己，今日係你知名度唔夠所以人地不登你張相落去，唔好怨人地，怨自己啦！怨就怨自己點解無知名度啦！雖然是七、八年前的事，但仍然歷歷在目，真的很難受。」江華認真的表示。

在「西遊記」中，江華是主角之一，但似乎不及孫悟空張衛健搶鏡，他自問會否心中有所比較呢？

「將自己同人比較擬就好傻、好笨，最好就同自己比較，正如『西遊記』，好多人話張衛健好，沒有人提唐三藏，我替他高興囉！另一方面，等下一個機會時，我成日同自己講，我是可以，可以做得到的，只是還欠缺一個機會，相信有機會個陣，一定可以。我不是自大，而是自信，但又不是過分自信，只是適當的自信吧！我在這一行十年，起起跌跌有幾多，是非常清楚的。」

江華一番自信的說話，明顯可見他真的是一腔熱血、滿懷希望的過來TVB的。