日期: 2000年8月20日
來源: 星島日報
張衛健兩年內不結婚
面對「 情變」 的張衛健， 昨天聯同「 新歡」 劉德華見傳媒， 大談千萬「 被包」 內容， 至於「 舊愛」 張茜， 就即席發出愛的宣言； 「 結婚?! 鍾意結咪結囉， 駛乜派定心丸架?! 」
張茜今次真係： 「 YO ! 駛乜驚呀!! 」
昨日張衛健出席記者會時， 心情靚得有如他的光頭一樣「 靚立立」 ， 面對他和女友張茜的近況， 更有問必答， 還跟記者開玩笑叫女友做「 阿西」 ， 雖然張衛健否認同阿茜情變， 不過就承認同女友張茜比之前真的少了接觸。自從完成了《 韋小寶》 後， 張衛健便前往杭州開拍《 一休和尚》 ， 而張茜則留在北京， 二人各有各忙， 加上休息時間又撞 對方開工。所以大家只能用電話聯絡， 張衛健笑言： 「 阿茜紅左 ， 見面咪少D 。 」
心情靚靚的張衛健更大爆阿茜很怕他「 再紅」 ， 怕他受唔住「 誘惑」 ， 令到張茜好無安全感同有陰影。張衛健雖然覺得自己不是盡責的男朋友， 唔可以同張茜有太多正常的拍拖活動， 但他亦會盡自己最大能力好好對待張茜， 現在， 張茜已經沒以前那樣「 擔驚受怕」 ， 彼此亦互相信任。當記者問二人何時結婚及會不會派定心丸畀張茜時？張衛健鬼馬地答： 「 可能係某年某月某日， 唔駛派定心丸架 ， 想結婚？ 鍾意結咪結囉！ 」 口爽爽的張衛健， 隨即又表示不會在兩年內結婚， 因為他簽了「 賣身契」 給劉德華， 這兩年要全心全力拍電視拍電影同唱歌喎！
而老闆劉德華亦為了隆重其事， 親自出席今次「 賣身」 儀式。而張衛健接受千萬的「 被包」 合約之同時， 亦要受「 十戒」 的限制， 一向喜歡玩的張衛健， 即時玩台下的記者， 指住其中一條「 唔可以得罪記者」 的規條便說： 「 我唔會送鹵味！ 」 至於點解會簽New Melody 做經理人？張衛健就說： 「 本來只是想簽《 敗家仔》 電視連續劇， 點知愈傾愈多， 最後我細佬（ Henry ， 張之經理人） 覺得應搵一間更好的經理人公司， 替我安排工作， 加上佢地條件唔苛刻， 咪決定將我簽畀劉德華囉。 」 今次， New Melody 以八位數字「 包」 張衛健兩年， 更即時為他安排了廣告、 talkshow 、 世界巡迴演唱會、 作曲作詞及歌、 影、 視等等工作。
沒有留言:
發佈留言