【報紙】靚靚化身乞兒 健仔撻到周身傷

日期: 2001年11月5日
來源: 星島日報

靚靚化身乞兒考誠意健仔撻到周身傷

由張衛健、林志穎、恬妞與 梁漢文等人合演的電視劇《齊天大聖孫悟空》終於在中國的敦煌展開拍攝。靚靚袁詠儀認真唔話得，專程去到敦煌那麼遠客串兩日戲，所以她說：「如果唔係健仔叫到，我真係唔會攞苦黎辛。」

靚靚前日清晨早上出發，去深圳轉機到西安，然後再由西安轉機到敦煌，去到已是夜深，昨日一早就在鳴沙山月牙泉開工。扮演九天玄女的靚靚與扮演孫悟空的健仔先來一場對手戲，因為孫悟空有事相求九天玄女，九天玄女為了試探孫悟空的誠意與耐力，幻化成乞兒，要孫悟空趴地、翻筋斗、唱歌又跳舞去留難，孫悟空當然照辦。

事後，健仔說：「雖然墊晒墊，但係石地滾來滾去都好痛。」劇未開，健仔已游說靚靚客串演出，他之所以費盡唇舌搵靚靚客串，因為以前曾與靚靚合拍過劇，正的感覺至今未忘。他說：「好對手難求，靚靚個人好聰明又夠義氣。」除了靚靚會客串幫手外，還有Sammi、許志安、謝霆鋒與吳國敬，不過他們不用來到敦煌那麼遠，只去橫店，Sammi連橫店都不用去，戲份只在香港，因為Sammi扮演觀音大士，背景借助電腦效果。Sammi與安仔豈非沒有對手戲？他說：「我從來無講過佢地有對手戲。（傳Sammi介入霆鋒與王菲戀情？）係咩？我唔知。以我所知無可能，Impossible！」

健仔還搵來飯島愛演蜘蛛精，還有個紫蘭仙子則搵來韓國女星來演，至於是邊個？健仔賣關子，點都不肯說，只話總之大家都認識的，到時便有分曉。

幸有熱水沖涼

健仔起初以為敦煌很落後，酒店無涼沖，好彩都有熱水沖涼。他謂，日內他們再坐五小時車程去雅丹取景，聽聞那裡才是落後，唔好話無水沖涼，連酒店都無，所以要租輛大巴大被同眠。他說：「好彩只去幾日。」

敦煌十分乾燥，健仔與靚靚都有備而戰，帶了大量Mask同行，健仔說：「唔使開工做面膜，敷到好似溜冰場咁厚先得。」健仔對這齣劇期望好大，希望繼「韋小寶」後，成為2002年代表作，每年有一部代表作已心滿意足。