【報紙】歡迎利用張衛健

日期: 2002年2月17日
來源: 蘋果日報

歡迎利用張衛健

自言一向將家庭放在首位的許志安，愛情放在第二位，第三位才是朋友，但他對朋友絕對有情有義，去年梁漢文經濟出問題，他二話不說拿出數十萬元解好友燃眉之急，在現今勢利的娛樂圈中，願意雪中送炭的人，特別難能可貴。而安仔最近亦做了一件令好友張健十分感動的事。

《齊天大聖孫悟空》劇照。

甘願奔波呆等

許：健仔內地橫店拍《齊天大聖孫悟空》，我同佢講唔使客氣，即管用人情牌搵人客串，大家一定撐你，我就第一個自薦客串。上個禮拜我專登抽一日時間，坐兩個鐘頭飛機，再搭四個鐘頭車去橫店，一心幫佢客串扮牛頭馬面。我好戲服等埋位，結果等幾粒鐘之後，健仔走埋同我講『安仔，唔好意思，你場戲唔夠時間拍要取消。』

當時我聽到都幾晴天霹靂，真係好想打佢幾拳，咁辛苦長途跋涉去到，佢話唔使拍。不過諗深一層，見佢幾日幾夜冇休息過，工作人員幫佢用膠水將一大把長鬚黐塊面度，而佢就係咁住個風筒幾粒鐘，吹番乾面上膠水，緊重要辛苦幾個月，我重邊度嬲得佢落。

許志安主動提出客串《齊天大聖孫悟空》。

食燒鵝髀療傷

許：到第日（二月七日）返到香港，我知八號係佢生日，七號晚一過十二點，我就打長途電話同佢講生日快樂，我知道當時佢好感動。 

記：有傳聞話上年你生日時，你蘇永康屋企過生日，因為 Sammi冇同你慶祝，所以你好唔開心，康仔為哄你開心，專登落街買你最鍾意燒鵝髀畀你食。

許：康仔晚係買左燒鵝髀幫我慶祝生日，但其他傳聞就唔係事實，有時我覺得傳媒好鍾意好主觀咁將一D唔係事實的傳聞當真咁寫。

後記

許志安表示不開心的時侯，他喜歡到尖沙嘴的青年桌球會打波，而且曾有幸跟世界排名第二十四位的香港頂尖桌球好手傅家俊切磋，對方更即場指點他的球技，不過彼此水準實在太遠距離，所以安仔縱有高手指點，亦未能完全領略高手的秘技。安仔笑言還是跟水準相當的張智霖及張健較量時，才較有取勝把握。