【報紙】蘇永康借度橋睇鹹書

* 編按:
一生宏願係上《姊妹》封面.... 笑死我啦!

日期: 2002年4月26日
來源: 蘋果日報

蘇永康借度橋睇鹹書  健仔: 貪唐詩悶好過安眠藥

蘇永康為籌備下月開鑼的演唱會，找來老友張衛健度橋搞笑。二人竟以取靈感為名，公然睇鹹書。康仔揚言在個唱上可能會被健仔迫供，大爆房事。而健仔又表示每晚必讀《唐詩三百首》以助入夢鄉。

蘇永康將於下月底舉行「康定情歌演唱會」，為了搞氣氛，他情商橋王老友張衛健度絕世好橋。二人前日為取靈感，相約往紅磡海逸酒店，並帶來一批書籍作參考。

蘇永康: 「咦？點解唔鹹？」 張衛健:「喂！睇完輪到我！」

滿足個人慾望

想不到康仔和健仔的靈感有來自問吳國敬取的馬經、康嫂愛看的《姊妹》、康仔珍藏由飯島愛撰寫的《柏拉圖式性愛》以及健仔自言每晚必讀的《唐詩三百首》，其他「參考書」包括成人雜誌《 Penthouse》和《吉野男女》等。

康仔解釋睇鹹書是因為個唱中有一部分講及兩性關係，故要從中取經，可是最終健仔踢爆說：「乘公司之便去滿足下個人慾望。」健仔邊說邊拿著鹹書翻閱，接著又拿起《姊妹》說：「做到《姊妹》封面係我一生既宏願。」

張衛健:「睇鹹書咁嚴肅？」

會玩互動遊戲

問健仔為何會看《唐詩三百首》，他說：「我貪唐詩夠悶，所以每晚睇三頁就瞓著，好過食安眠藥。」結果康仔與健仔度出一條與歌迷在個唱玩互動的橋，康仔說：「我會拍條片自爆多年好想做、但又唔敢做事，例如我好想有個靚女投懷送抱，不過最後我要點做，就交畀觀眾決定。」