來源: 太陽報
劉德華無懼官非簽新公司 好友代出頭
張衛健寸麥紹棠：一億五千萬咁細雞！
劉德華被中建電訊入稟索償一億五千萬元，中建主席麥紹棠更向法庭申請禁制令。昨日華仔簽約新公司，以近億元酬勞簽兩年唱片約。與華仔一同簽經理人約的張衛健亦當眾撐華仔說：「被人告一億五千萬咁細雞，華哥攝牙罅都唔夠！」
上周中建主席麥紹棠在控告劉德華的入稟狀中，力數華仔違約，要申請禁制令封殺他。華仔亦表示無懼禁制令，此官司不會影響他事業上任何活動。
昨日華仔舉行盛大記者會，簽約加盟新成立的加際娛樂，大並簽下兩年內錄五十首歌約五張唱片，然後交由EMI發行，且即場公布連串開演唱會大計。昨日到場支持華仔者眾，儼如四台聯頒大獎，包括無線及三間電台高層，還有已取得默契將簽華仔的寰亞老闆林建岳、王晶及劉偉強等，加上現場數十位傳媒，場面墟冚，而杜琪峰、鄭則士、劉偉強及曾志偉等亦有送上花籃以示支持。
華仔與張衛健繼十多年前拍電視劇《聖劍天驕》後，有興趣再攜手合作。
健仔任衛視工作室總裁
記者會上，張衛健與華仔一同加盟加際，所不同的是健仔簽兩年經理人約，他公布與加際成立一間衛視工作室，負責投資製作電視劇，由他出任總裁，製作的劇集將交由新開的TVPI發行。健仔在台上發言時更力撐華仔說：「我真係要向華仔學習做藝人既操守，做生意的精神，我希望三年內可以青出於藍，俾人告唔止係一億五千萬咁細雞，而係一億五百萬美金，包刋XXX消化餅咁細雞，華哥攝牙罅都唔夠！」
傳華仔加盟酬金一億元
會上健仔表示已邀華仔拍劇集，但要待華仔有興趣才能成事，說到新約酬勞，他笑言：「八位數字啦，據講我同劉德華酬金加埋都一億元。」對健仔之言，華仔笑說：「我唔知佢幾多，我都好近，有八位數字啦，唔好以為佢叻晒，哈哈！不過我同健仔講，有人辭官歸故里，有人漏夜趕科場。我自己都係做藝人、幕前比較好，因為精神上唔識得周旋。」
他對新公司信心十足，他說：「因為我同Catchy（加際）行政總裁Marina（伍曼英）識咗好耐，我係華星既第一張唱片，就係佢做市場推廣，就算係天中，佢都係Managing Director，早兩個月仲未簽我，都已經做咗一份好完整既計畫書，佢地淨係台灣宣傳費都接近八千萬台幣（約二千萬港元），所以佢地畀到我好大信心。」
另外，對張徹的逝世，華仔言若有憾：「聽到消息好唔開心，我同張大導最後合作電影係幾年前既事，我知佢想搵我開部戲，雖然佢身體上唔能夠做導演，但佢好想拍，我亦同幾間電影公司傾過，可惜俾人拒絕咗。」
沒有留言:
發佈留言