【報紙】許志安03安享音樂年 (節錄)

日期: 2003年1月2日

來源: 太陽報

許志安03安享音樂年 (節錄)

對朋友冇要求

對於朋友，安仔珍惜之餘，更進展到對朋友不作要求的地步。「其實朋友識得愈耐要求愈多，會有好多點解，例如點解你唔陪我，點解你唔幫手，但我已過咗呢個階段。如果依家有一日我好需要朋友幫忙，就算佢地唔幫我，我都會明白，呢啲難度好高架！又好似張衛健咁，十次有九次叫佢，佢都唔會出嚟，連我生日佢都唔到，你可能會覺得有冇搞錯呀？但我又會咁諗，佢唔嚟係咪會影響呢段友誼呢？咁又唔會喎！所以，我依家對朋友既心態就係冇要求。」