1985年的時候青春劇《中四丁班》更獲得「紐約電影電視節銅獎」呢。
補充資料:
紐約國際電視電影節，隸屬於紐約節 (NewYorkFestivals) 創辦於1957年，為了嘉獎「世界最佳電視電影作品」而設。
日期: 2003年9月9日
來源: 蘋果日報
4th Leaf 青春劇倒轉睇 (節錄)
青春劇永遠不死！試想多少一級大明星都係靠咁樣「賣青春」上位，紅如萬人迷哥哥張國榮、當年學生情人翁靜晶，都係拍青春劇一炮而紅。 就好似黎緊月中上映《當四葉草碰上劍尖時》，戲未播，已經馬上有人認頭做 Fans力撐眾偶像，究竟邊個會成功上位跑出？
唔好以為青春劇係近十幾二十年先興，其實阿媽年代都已經有唔少勵志同愛情青春劇集，個個主角同依家一樣靠無敵青春殺晒。
《對對糊》
當年亞視都拍過唔少青春愛情劇好似《甜甜廿四味》、《驟雨中的陽光》同《 IQ成熟時》，其中《對對糊》都好經典，由當年最出名螢幕情侶─張國榮、倪詩蓓、林國雄、陳秀雯主演，林國雄同陳秀雯後來戲假情真重結埋婚，倪詩蓓息影之後重嫁左畀漫畫家黃玉郎。
《乘風破浪》
1973年家傳戶曉的青春勵志劇，無番三、四十歲都未必有印象，由趙雅芝、程可為、莊文清、楊詩蒂、高妙思全女班飛做主角，三十年後除左趙雅芝重有客串拍戲之外，莊文清就走左去出家，其他女星都不知所終！
《愛情安歌》
當年蔡楓華重好正常，外形官仔骨骨，憑一孖光澤紅唇而獲得「紅唇王子」稱號。《愛情安歌》入面佢同黃造時、區瑞強拍，自己唱埋主題曲，當時 hit通街，但可惜今日變得「癲」通街。
《淘氣雙子星》
89年拍，後生極都應該睇過呢套，李克勤同黃貫中飾演兄弟。戲入面重有當時未紅的郭富城，又係大配角一名，但又有邊個估到當年呢個高級二打六會變成樂壇天王！
《中四丁班》
九十年代開始，王書麒就係學生天王，青春劇梗有佢份扮學生，《中四丁班》佢擔正做主角，隔籬個大配角就係當年重未紅的張衛健。
沒有留言:
發佈留言