【報紙】阿梅突然缺席義賣籌款

日期: 2003年12月11日
來源: 明報

阿梅突然缺席義賣籌款

由明報周刊全力支持的「 梅艷芳現代女人心珍藏義賣籌款活動」 昨日在時代廣場舉行。梅艷芳臨時缺席活動， 只有一班圈中朋友— — 梁家輝、 蘇永康、 梁漢文、 張衛健與謝霆鋒撐場向市民呼籲。據梁家輝解釋， 由於天氣太凍加上病菌多， 阿梅是病人不宜出​​現太多人聚集的場合， 醫生與朋友也勸籲阿梅應休息保重身體。

昨晚， 時代廣場有近二百名歌迷和市民圍觀， 雖然派給傳媒的程序表上列明阿梅參與的出場序， 而大會公關在活動開始又聲言阿梅會出席及可跟阿梅做訪問， 但傳聞直到家輝在台上致辭時才知阿梅取消現身。家輝在台上解釋： 「 我希望大家唔好噓住， 我知大家等好耐， 雖然今晚主角阿梅唔會， 但希望大家體諒佢有病在身… … 醫生又叫佢休息多，同埋呢幾日天氣涼， 係唔一個患病人出現， 我都知大家有少少失望， 但阿梅講過， 希望我今晚盡力做好義賣， 去迎接一個有愛心聖誕節。 」 阿梅經理人Marianne 就坦言因為場地及空氣問題不主張阿梅出席。

一班出席好友和徒弟更上台義賣一些阿梅的私人珍藏和親筆簽名物， 當中最貴的三件是阿梅送出的私人物品， 價值一萬元， 最後由一位女士投得， 其餘的還有遠赴日本拍攝的寫真集和簽名T-shirt ， 分別價值五百元和一千元。

活動後記者問家輝， 阿梅是否臨時不出席才邀請他們「 撐場」 ？他表示： 「 唔係， 我一早已經決定今日（ 即昨晚） 支持阿姐， 係我一班朋友同醫生叫佢唔好， 等佢可以靜養！ （ 大會好似唔知阿梅唔到？ ） 淨係我圍內朋友知佢唔！ （ 阿梅知唔知柯受良去世？ ） 據我所知佢應該未知住， 我亦都唔希望呢排有任何事刺激佢， 但唔係刻意唔畀佢知。 （ 怕唔怕佢唔人會對佢病情有揣測？ ） 如果大家唔揣測就唔會有揣測！ 」

對於有報道指阿梅渴望拍攝張藝謀導演的電影《 十面埋伏》 ， 他說： 「 做佢朋友梗係唔想佢咁操勞啦， 但接唔接拍就要佢自己決定， 佢成日覺得答應人就唔可以推人。 （ 佢病情點樣？ ） 穩定， 暫時亦唔會做療程住。 （ 聖誕節會唔會開派對？ ） 相信都會， 但希望唔好咁高調， 搞個細細聲派對。 」 至於今年十二月她會否出席演藝人協會週年晚會？家輝說： 「 因為今年改選， 而阿梅又係會長， 我又唔想佢咁操勞， 所以另行通知​​！ 」

記者昨日致電阿梅經理人王敏慧， 她解釋阿梅缺席原因： 「 今日天氣凍， 好多人感冒， 怕阿梅會凍親同俾人傳染， 佢都係下晝先決定唔嚟，而家喺屋企休息緊， 佢身體冇問題。 」 問王敏慧阿梅可會辭演《 十》 片？她說： 「 佢等劇組通知， 重未決定。 不過， 阿梅近日俾朋友疲勞轟炸， 楊紫瓊同鍾楚紅都勸佢唔好去。 」