來源: 蘋果日報
《伙頭智多星》深圳開鏡 再度以情侶檔演出
電視劇《伙頭智多星》昨日在深圳一酒家開鏡，主演的張衛健、羅嘉良、吳鎮宇、許志安、黃伊汶、 Boy'Z成員 Kenny，以及從《伙》劇女角選拔賽中獲得亞軍的陳奕池均有出席，但獲冠軍的梁嘉琪因跟有線有合約而未能參與，由張衛健女友張茜頂上，在劇中與張衛健扮演情侶。
張衛健與張茜在新劇中將再度以情侶檔演出。
「攞獎唔到我揀」
日前金像獎頒獎典禮頒發「演藝光輝永大獎」給梅艷芳，其生前好友劉培基與徒弟許志安和何韻詩上台代領，惹來梅媽指大會對她毫不尊重，更形容安仔和何韻詩為「刮龍徒弟」。安仔昨日暗寸梅媽說：「師傅D野唔係交左畀遺產託管人咩？我知錢係萬惡，但有託管人係度，佢唔使擔心呢？攞獎唔到我揀，係劉培基先生邀請我，劉培基一向負責開師傅工作，大家都係一條心幫師傅攞獎，唔想咁多是是非非。」
而阿梅胞兄梅啟明昨日則在電話中說：「個獎係屬於阿梅，我係唔會主動聯絡人攞番個獎，睇佢跟住點做囉！」今日是阿梅逝世一百天，梅媽會為亡女在九龍塘省善真堂打齋。
張衛健晴天霹靂
此外，張衛健和張茜昨日在人前表現煙韌，張茜否認今次演出是張衛健穿針引線，更非執梁嘉琪二攤，她說：「呢兩年黎大家都好介意情侶檔演出，所以原先我都推左呢部戲，走去拍另一部。 但後來林生林太搵我經理人，我見角色幾適合我，所以接左，張衛健後來知道我拍，佢都晴天霹靂呢！」
沒有留言:
發佈留言