來源: 太陽報
張衛健許志安怕食波餅走夾唔抖
許志安、張衛健、羅嘉良和羅家英昨日在深圳大梅沙海灘拍攝電視劇，與近百名三點式女郎同場演出。可惜他們甫見性感女郎則雞飛狗走，合照時更刻意保持距離，以免招惹閒話。
電視劇《夥頭智多星》在深圳大梅沙海灘取景拍攝，有近百名臨時演員演出，當中大部分為身穿性感三點式泳衣的女郎，亦有跳草裙舞小姐。可惜天公不作美，上午下起滂沱大雨，所有人呆等五個小時後才能拍攝。當開工時，三點式女郎立即脫下密實外套，展示性感身段，熱情奔放在沙灘上四處奔走，記者要求合照時，儘管熱情女郎大送波餅，但羅嘉良先以雙手插袋避嫌，許志安則企到老遠，但卻遭三名性感女郎強行捉雙手拉近距離，安仔一臉無奈，最後惟有以雙手攬旁邊的張衛健，以示清白。
羅家英與女郎合照尷尬
另一邊廂，羅家英不時以手機與臨記合照，當應記者要求他與三點式女郎合照時，他則表現尷尬，並嘆無福消受。
外間有指大梅沙海灘有「陪泳女郎」陪客暢泳，沙灘上並有「陪泳帳幕」向泳客提供服務，健仔驚訝地說：「唔係呀？天氣咁熱，仲會走入密不透風的帳幕？」除「帳幕」外，記者還發現一個名為「飛機場」的攤位，惹人遐想，健仔說：「呢度真係有滑翔機玩！」另外，對於劇中演員牛振華因車禍逝世，健仔說：「佢系娛樂圈近年少見人辦，真係一個好人，又專業，佢的戲份已經拍曬。早前佢仲聯絡我出席兒童基金活動，雖然佢離開了，不過我都會照樣出席。」
沒有留言:
發佈留言