【雜誌】張衛健光頭搶眼

* 編按:
保護頭仔吖嘛。

日期: 2005年2月18日
來源: 忽然一周，第499期

張衛健光頭搶眼

人的​心態好奇怪，有的人明明已經係公開 了，但當事人就堅持明畀人知莫畀人見，寧做鴕鳥都唔肯面對現實。好似張衛健，講真，佢係光頭，應該冇乜邊個唔知，但如非幕前劇情需要，佢都唔會畀自己個禿頭曝光。

1月27日，二五在跑馬地的「Brown」咖啡室，見到張衛健同一個男人正係度傾偈。二五好遠都認出佢，因為佢呢日冇戴帽、亦冇戴假髮，光禿禿的頭直情發光咁，好搶眼。

二五見佢地攞住本類似劇本的東西非常好傾，傾足三粒鐘，其間張衛健好似有些諗唔通，煙駁煙係咁煲。後來諗掂傾到興起一 陣，佢又指手劃腳表情多多，直情同幕前演出有得揮。

不過，到走個陣，張衛健又立即戴番冷帽至出門口。其實十個光頭九個富，健仔唔使咁介懷。