來源: 蘋果日報
《雙節棍》劇集告吹
陳奕迅被傳在下周四與徐濠縈舉行婚禮後，本月底便到內地與張衛健演出劇集《雙節棍》，並可得約五百萬港元酬金，但因張衛健與製作公司反目，連帶他亦決定放棄演出。
張衛健原定與蕭定一的「一席好漢公司」合作拍攝新劇《雙節棍》，另一男主角亦傾好了由陳奕迅（ Eason）擔任，在劇中扮演一名捕快。而為了拉攏 Eason演出，該公司更以五百萬演三十集的可觀酬金作利誘。為了賺奶粉錢， Eason亦為之心動，與蕭定一開始詳談細則條件，可惜在臨近簽約之際，又出現變數。
張衛健（左）因和蕭定一（右）在劇本上意見有出入，而放棄演出劇集。
原來因近期古裝劇唔可以上中央台黃金檔，張衛健與蕭定一為該劇開拍延期及在劇本上談不攏，據悉事後張衛健曾聯絡過 Eason，告知他整件事，還建議他重新考慮會否接演該劇，結果 Eason與經理人陳家瑛商量後，決定推辭演出。但蕭定一並未有因為張衛健拒絕合作而放棄開拍該劇，後來更找了黃子華頂替他的角色，但黃子華要看過劇本才考慮會否接演。
記者昨日致電給陳家瑛，她表示：「原本 Eason係想接拍呢齣劇，但後來發現期都幾滿，如果再接埋呢齣劇，真係驚唔夠時間做歌唱事業，最後我同佢商量過，決定放棄接拍，至於張衛健與蕭定一之間的問題，我呢方面唔想作出評論。」
記者昨日亦聯絡了張衛健，其弟 Henry代回覆說：「佢公司係 Dicky（張衛健）代理公司，而我係 Dicky經理人，佢公司可以代 Dicky拉生意，我呢邊亦可以，至於《雙節棍》呢齣劇，佢公司開又得，唔開亦得，但到目前為止，我呢一方就仲未接到開工通告。」
延期開拍劇集
至於蕭定一則在電話中解釋說：「我同張衛健冇反面，只不過因近期古裝劇唔可以上中央台黃金檔，所以齣劇要改劇本，咁必定會順延遲開，張衛健事實為咁而唔開心，至於 Eason之前係收定，但齣劇延遲開，公司咪將期畀番佢。」
沒有留言:
發佈留言