【報紙】劉培基廣州開店眾星捧場

日期: 2006年9月26日
來源: 易網論壇

劉培基：延續對阿梅嘅愛   廣州開店眾星捧場

劉培基昨日往廣州為有份策劃的「NAZA運動時裝店」開張剪綵，吸引數百人圍觀，並邀來梅艷芳愛徒何韻詩、張衛健、蘇永康、曾華倩等任剪綵嘉賓；現場又播出成龍、鄭秀文、許志安、謝霆鋒、張柏芝拍下的恭賀片段。他感觸地說：「雖然我走左咁多好朋友，但依然仲有好多，阿梅走左之後，遺留左爭拗問題之外，仲遺留左愛同埋朋友。」

劉培基表示，這次開店是受到一位70歲伯伯的愛而感動，由答允至今，半年內他設計了三百多樣不同的商品，笑說：「呢個可能係我最後一個遺作。」他在現場穿上劍擊服與運動員比賽，在場的藝人不斷為他打氣。說到為何韻詩的演唱會設計歌衫，他表示：「仲係度構思，我想將對阿梅嘅愛延續落去，點解我幫阿梅設計嘅衫個個話正？因為我唔係用腦、唔係用經驗，而係用我對佢嘅愛。」

劉培基邀請了曾華倩、蘇永康、何韻詩、張衛健和好友朱家雯任剪綵嘉賓，他以一身劍擊服鼓勵年輕人多做運動。

聽聞肥姐入住深切治療部，劉培基一連「哎唷」了數聲，表示近來太忙，並無聯絡肥姐，開舖也只是致電通知了仙姐，不敢勞動她們這輩的藝人。會否勸肥姐戒口？他嘆道：「有邊個無勸佢？先排欣宜減肥，我?勸佢不如一齊減，點知佢話佢係佢，我係我，唔減！呢?無得逼。」他指肥姐是堅強而有情義、可愛亦有愛心，在這行沒有敵人是她的成功之處。

健仔發夢生魷魚

張衛健被傳已與女友拉埋天窗，康仔代澄清：「傳佢結婚那個禮拜，佢同我係北京晚晚孖鋪。」健仔則說：「快啦，等Edmond先啦，拖得就拖。婚我會結，但呢輪發仔寒，好想生仔，之前發夢自己個BB係銀盤上面，仲有D胎水，我想抱下BB，睇下係咪似媽咪？點知係魷魚。我同女友講，佢就話唔想生魷魚喎，哈哈！總之我結婚唔會鬼鬼祟祟啦。」

何韻詩透露劉培基經常讚她身形好，可能想催眠她，更指對方是摸得她最多的異性，最清楚她的身形。她又爆劉培基經常做媒人介紹異性給她認識，可惜一個都唔啱Key。