來源: 蘋果日報
母子搭膊Shopping煙駁煙
「馬騮仔」張衞健本周四便踏入42歲，但依然大唔透，原來乃盡得其母真傳。年近70的張媽媽勁 yeah程度也絕不遜色。日前健仔陪母出巡尖沙嘴買玩具，兼到 Dior買戒指，兩母子逛到，竟站在行人熙來攘往的廣東道街頭齊齊煲煙，健仔更唔錫身煙駁煙狂扯。
憑多次扮孫悟空深入民心的張衞健，近年轉戰內地，早前他一直趕拍內地電視劇《Ａ計劃》，至近日返港後，日前即陪母親到尖沙嘴 shopping掃貨兼齊齊煲煙，母子感情 friend過打 band。
掃玩具送戒指
日前近晚上7時，戴冷帽和披長褸的健仔陪母親暢遊海港城。當時兩母子先往玩具反斗城，購下一袋戰利品後，健仔即搭母親膊頭逛廣東道，沿路大批市民認出健仔，不時向他親切打招呼。
健仔傍實母親（左）逛 Dior名店，最後買下戒指送給她。
健仔偕母親行經一家眼鏡店外時，健仔溫柔地問她：「媽咪你唔係想買眼鏡咩？」張媽媽在櫥窗細看一會後卻對兒子說：「款麻麻地。」健仔即笑說：「行再睇，睇第二間。」其後健仔陪母親逛 DKNY女裝部，但張媽媽未合心水，兩母子即轉逛 Dior名店。現場見張媽媽試戴了幾隻戒指，健仔買下送贈她，再陪她逛太陽廣場，未有收穫。
報紙檔主贈興
兩母子逛到，便站在街頭垃圾桶旁煲煙，健仔煙駁煙連抽兩根，一旁的報紙檔檔主見「馬騮仔」企正隔籬，便跟他說：「呢期我都有睇《西遊記》（早前無午夜重播《齊天大聖孫悟空》），好耐冇見你有新戲喎！」健仔笑說：「係咩？」接和媽咪擠熄煙頭，便截的士離開。
年近70的張衞健母親不止打扮 yeah，更懶理健康忠告，與兒子齊站街頭煲煙。
叼著香煙的張衞健被報販親切問候時，在旁的張媽媽不禁笑逐顏開。
採訪、攝影：娛樂突發組
沒有留言:
發佈留言