來源: 蘋果日報
願代嘔代坐月 爆女友北京養胎
張衞健與內地女演員張茜拍拖八年，最近盛傳張茜已懷有三個月身孕，但兩位當事人一直沒有承認消息，不過前晚健仔為新劇宣傳時終於透露口風，他聲言只要收視理想，就會認頭這件囍事，又肉麻地說深愛女友，願意代對方生仔及嘔吐。
(左起) 王晶、健仔、元秋及譚耀文前晚齊齊為新劇《盜海奇兵》宣傳。
張衞健的女友張茜早前辭演劇集《義本同心》，準備專心養胎，但上月底她在上海出席公開活動時，卻否認懷有男友的骨肉。前晚健仔與王晶、元秋及譚耀文等在尖沙嘴宣傳亞視下周一播出的新劇《盜海奇兵》，他揚言希望昨日可以掛上8號風球，那就不用回橫店拍《黃飛鴻》，記者於是問他是否想回北京見老婆，健仔即時說：「乜老婆呀？結婚生仔我唔急，校長（譚詠麟）年年25歲，我就年年20歲。」
亞姐曾敏獲健仔如此細心為她整理衣服，當然是受寵若驚。
返橫店搵奶粉錢
記者指健仔理應知道女友張茜以身體狀況為理由辭演劇集，他又沒正經地說：「我未收到通知喎！不過我係有心有力，深愛我伴侶，如果男人可以為女人生仔，我絕對願意代佢嘔，代佢坐月。」那麼張茜是否在北京養胎？健仔笑說：「養生！」被問到健仔母親會否恨抱孫時，他笑說：「佢冇所謂，不過媽咪已講明唔會幫我湊仔，因為佢唔想俾個孫阻住佢打牌。」
健仔終於露口風，默認張茜（右）懷孕，認真可喜可賀。
那麼張茜是否已經有喜？這時健仔才認真說：「等呢齣劇收視過10點，我會認頭啦，到時我會正正經經同大家講啦，跟住落我又要返橫店拍劇搵奶粉錢。」
不宜裝修嚇餐死
健仔透露現時母親與女友正在北京忙於處理新居裝修事宜，現場有記者指出家中有孕婦不宜裝修，健仔聞言即緊張地追問說：「係咩？係咩？咁對大肚婆有乜唔好呀？」當他發現自己情急說漏嘴後，立刻補充說：「我其實都唔係咁迷信。」
採訪、攝影：卓寶花
沒有留言:
發佈留言