來源: 壹週刊 Next Magazine
張衞健喪女片場發洩
張衞健跟內地女星張茜拍拖九年，去年六月，女方證實有喜，一直恨做老豆的健仔，興奮得講明會隨身帶備攝錄機，陪老婆入產房。為給張茜一個正式名分，二人更秘密註冊結婚。
豈料今年二月，在腹中八個月的女兒意外胎死腹中，一直陪老婆的健仔亦傷心得要停工兩個月。上星期四（四月十日），張衞健在橫店復工，心情沉重的他一直壓抑喪女之痛，拍攝一場踼足球戲份時，他竟失控射穿布景，嚇得全場目瞪口呆。
健仔忍住喪女之痛為電影開工，經常心事重重。
抑鬱自閉
四十三歲的張衞健，去年中同拍拖九年的女友張茜成功造人，張茜即時辭演內地劇集，全面停工閉關養胎，同一時間，二人秘密結婚，給張茜一個名分，名正言順擁張太身份。
世事難料，懷胎八月的張茜，在農曆年間 BB突然停止活動，胎死腹中，令原本做好準備迎接新生命來臨的張家，一夜之間變得死氣沉沉。一家人情緒跌落谷底，健仔同張茜日日匿埋屋企以淚洗面，恨抱孫的張母亦深受打擊。
「自從有左BB之後，健仔睇定育嬰書，又即刻同張茜結婚，諗住都拍左咁多年，俾番對方一個名分，正式做佢老婆仔。點知個 BB突然冇左，佢地兩公婆好傷心，健仔媽咪農曆年個陣都唔肯見人，日日匿埋屋企喊；張茜又成日諗唔開，健仔都好擔心佢會抑鬱，所以成日陪住佢。」知情者透露。
健仔一時壓抑不住情緒，踢波變踢爆布景板，搞到他即時伸脷耍冧。
張茜曾經講怕自己唔夠幸福，要紋上「福」字在背部，希望自己能幸福一點。
踢波發洩
上週四（十日），身穿運動服的健仔，於晚上八時現身橫店影城，心情看來平復不少的他，經常同導演傾鏡頭走位，又同戲中演員踢波。不過，未知是否借踢波發洩喪女情緒，當他控球在腳時，竟然球星上身，凌空抽射，一腳波令現場布景「嘭」一聲，健仔尷尬到即時離開現場，匿入演員房。開工到凌晨一時，健仔返抵下榻的酒店後，接受本刊訪問。
健仔今次接拍驕陽投資的電影《奪標》，導演徐小明亦落場同健仔講拍攝時的走位。
電影《奪標》加入不少新演員，當中包括有線娛樂台主播吳天瑜和曹敏寶，大耍絲帶舞。
健仔說當知道 BB流產後，他很傷心，跟太太全靠信仰互相支持，每天祈禱才能走出陰影，對於張茜是否有抑鬱？他說：「佢精神好好，冇乜事！（你不在她的身邊，可有擔心？）我地一日通好多個電話，唔使擔心！」當講到與張茜已秘密結婚， BB胎死腹中的原因，健仔開始封口：「唔好問呢啲喇，唔講喇！」不過他坦言等太太休養好，亦會再計劃造人。
未收身的張茜上週現身北京出席時裝活動，已經克服小產陰影，重現歡容。
健仔與張茜雖然分隔兩地，但他不時以長途電話與她保持聯絡，他還透露太太張茜精神冇問題。
走出陰影
據知，健仔一直很擔心張茜的情緒，雖然二人分隔兩地，但無論開工抑或開緊會，一收到電話，他就會好緊張。
健仔同張茜拍拖九年，宣布有孕時本來歡天喜地，點知最後 BB流產，令二人感到萬分悲痛。
張茜在懷孕期間，雖然曾陪健仔滑雪旅行，但她都未有落場，小心翼翼養胎，怎料人算不如天算，換來空歡喜一場。
「屋企得佢一個男人，健仔其實好唔放心張茜同佢媽咪，不過佢好堅強，在拍攝現場有人問候佢，佢都話冇事，但一收到張茜電話，健仔就會好緊張，匿埋一邊傾，總之電話唔離手。」健仔身邊人說。
失去愛女，不單只令健仔與張茜感痛心，連張茜媽媽的情緒亦崩潰。（《蘋果日報》圖片）
冇老公陪住，但事隔兩個月，張茜亦開始企番起身。上週三（九日），剪了一頭短髮的她在北京現身 ESCADA活動，未完全收身的她說首要任務是養好身體，「留得青山在，那怕冇柴燒。」
健仔喪女，他的一班死黨，蘇永康、吳國敬等即時對他加以慰問，陪他渡過難關。
愛情長跑
張衞健與張茜由九九年因拍攝劇集《陳夢吉傳奇》擦出愛火花，兩人公開戀情後，一直恩愛。
《陳夢吉傳奇》（《蘋果日報》圖片）
○○年健仔與葉璇傳出緋聞，但亦無損他倆之間的感情，至○四年，傳出健仔同蔡卓妍拍劇撻，跟女友張茜五年情玩完，不過健仔發表愛的宣言澄清，至今拍拖已有九年之久，其間屢次傳出婚訊，最終只聞樓梯響。
去年中，張茜證實懷孕，預產期是今年三月底，但於今年農曆年期間不幸小產，令他們傷心不已。
沒有留言:
發佈留言