【報紙】遊芭堤遇動亂雅身陷險境

日期: 2009年4月14日
來源: 太陽報

遊芭堤雅身陷險境  許志安張衞健遇動亂遭嚴密監視

泰國芭堤雅近日政局緊張，而許志安與張衞健竟於芭堤雅局勢開始變化時身處當地，兩人不諱言遭當地的嚴密保安嚇破膽，安仔更笑言除了不敢穿紅衫外，連游水亦被保鏢全程＇實！
許志安昨日為佛誕歌《佛誕吉祥》錄音，甫到場即笑言狀態欠佳，皆因前一晚睡眠不足。他自爆早前與好友張衞健（Dicky）去泰國芭堤雅旅行，卻碰上政局動盪：「我哋6號到，嗰時仲未知有動亂。到咗8號，我哋收到酒店（Dusit Thani Pattaya Hotel）通知，佢哋話由於政局關係，會有相應嘅保安措施實行，之後佢哋就封咗8樓全層喇！」

除紅衫怕被搜身

原本打算在芭堤雅享受陽光與海灘的安仔笑言，連游泳都要「過關斬將」：「出親泳池都要接受金屬探測器檢查，游水時又有中南海保鏢用望遠鏡全程監視，好尷尬，平時畀女人望就話即！最搞笑係我以為啲保鏢係狗仔隊！」安仔因年前被拍得穿白色泳褲在泰國游水，成為一時佳話，問到今次有否穿泳褲？他說：「我着咗滑水褲。」他慨嘆連衣着打扮也要三思：「原本我帶咗件紅色波衫出Trip，聽到有紅衫軍就即刻除咗唔夠膽再着，我驚畀人搜身。」
雖然驚險事重重，但安仔表示旅程仍有意外「驚喜」：「後尾先知國務院總理溫家寶入住我哋間酒店，我諗住有機會影合照，點知返到香港，佢先去到嗰邊。」他透露不是計劃到芭堤雅遊玩：「原本去馬來西亞，但遲咗到閘口Miss咗班機，Dicky咪決定轉飛芭堤雅咯！（馬來西亞有好多狗仔隊？）咁我真係好好彩咯！」

而Dicky接受電話訪問時，承認泰國局勢緊張：「去嗰時知道有領導人入住間酒店，保安都好嚴密。住住吓收到消息話紅衫軍有衝擊，酒店嘅氣氛緊張咗，出入要經過X光機檢查，又有好多高大同配備武器嘅警察駐守。我去咁多次泰國都避開到政變，幾好彩，但局勢好緊張，所以短期內唔會再去。」