【報紙】許志安計劃明年兄弟班巡迴騷

日期: 2009年6月22日
來源: 頭條日報

許志安：我真係好鍾意唱歌!重本炮製國語專輯  計劃兄弟班巡迴騷

許志安  加入樂壇23年，早已視唱歌為第一生命，即將推出的國語專輯《歌人》是要告訴大家，何謂「人歌合一」的最高境界。自言沒刻意為專輯定風格，遇上好聽的，不論是R&B、RAP、POP，安仔都會嘗試做到最好，萬事以歌迷為先。難得一聚，安仔興奮告訴我，明年初將與多年好兄弟蘇永康  、梁漢文  及張衞健舉行巡迴演唱會，滿足他們多年心願，我相信樂迷亦會大力支持。

兄弟班開騷

眾所周知，許志安在圈中擁有一班好兄弟，除了風花雪月互相鼓勵外，安仔跟好兄弟們亦會齊齊做善事，於內地辦醫院起學校，善心爆澎。另外，安仔亦率先透露將於明年跟張衛健  、許志安、梁漢文一起登上紅館開演唱會，實現多年心願。

「其實我開過咁多次演唱會，咩都試過晒，一直諗再開演唱會可以有咩新鮮嘢帶畀觀眾，之後就覺得同班老友開演會都有得諗喎，呢個意念喺我哋心底好多年，我覺得係時候要實現呢個多年願望。我哋曾經相量過，要抱住一個咩心態去做，然後我哋齊齊有共識，就係做一個好開心嘅Show，唔好有壓力，好似Party咁，令觀眾睇得開心，我哋又做得過癮。」