【雜誌】厚底新人王 鄭則士

* 編按:
嗯，所以Dicky的演技也一樣「厚」。

日期: 2012年4月10日
來源: 東周刊

厚底新人王 鄭則士 (節錄)

橫看豎看，鄭則士怎樣都不像快要六十一歲。

他於一九七六年參加無綫第一屆「聲寶片場」比賽獲得冠軍而入行，遊走香港影視圈，既創作了「肥貓」一角，成為了他的標記，也當過兩次金像獎影帝（八六年《何必有我》及九七年《三個受傷的警察》）。雖然早於七九年已在TVB劇集《四眼神探》首次擔任男主角，但到九三年重拍電視時，卻因為不受重用，令他要跳槽亞視兼轉移北上發展，兜兜轉轉○六年又再回到TVB。

他亦曾試過活得很風光，一家六口老婆仔女和父母住又一村千呎豪宅，有兩個傭人服侍，出入揸平治，但也試過因為開設的電影公司倒閉，令他欠債千萬，一鋪輸清光。

起起伏伏三十四年，佔了大半人生，失去的只有歲月，卻沒有磨滅他的意志，更沒有減淡他對演戲的熱愛程度。

演技是需要從真正的人生經歷中感受出來。

七六年入咗行以嚟，「肥貓」呢個角色可以話係我嘅商標，尤其是內地人，一講「肥貓」，都會指定係我；反而喺香港，啲觀眾會將我撥入去「演技派」。

我到依家都好鍾意呢行，雖然喺呢三十幾年嚟，我試過好好，亦都試過有兩、三年輸到乜都冇晒——

九三年嗰陣，公司（他與朋友合夥的滙川電影公司）大概蝕咗千七萬，我都還咗一千萬出去，啲媒體朋友同我講：「你傻嘅咩，有限公司嘛，咪當唔好彩囉！」但我仲想喺呢個圈抬起頭見人，所以我一定要負責任落去。

與張衛健（右一）曾有錢銀轇轕，解決後，兩人仍是好友。

當時除咗我老婆、仔女同父母賣唔到之外，我嘅樓、車，賣得嘅都賣晒出去；應承咗拍嘅戲，我都會攞定片酬用嚟還債；有錢嘅時候，銀行嗰四百萬貸款，就算未到期，我都照還咗佢，點知麥嘉原來識嗰個銀行家，仲講笑咁話我：「吓，你都有鋪還錢癮嗰喎！」

其實間公司我只係佔四成，但我就還足五成，係還凸咗，不過我起碼賺咗個信譽！

在拍攝過程中，我看見郭少芸、黎諾懿和金剛遇上他，都會情不自禁主動跟他擁作一團，聊聊天吹吹水，氣氛愉快到不得了。

然後我想起：行為會形成習慣，習慣會形成性格，性格會形成命運。

鄭則士活了近六十一個年頭，來到今天，有樓有車有工開，又有人緣，一個人仍有能力供養老婆、仔女和父親五個人（他的母親於十多年前已離世），點計都是他應得的。