【報紙】張衞健揸320萬辣跑 無所遁形

* 編按:
阿公踢爆好好笑! 中環果然是check point~

日期: 2012年9月19日
來源: 東方日報

張衞健揸320萬辣跑 無所遁形

張衞健（健仔）前日心情靚靚地駕駛價值逾320萬白色型爆林寶堅尼新歡於中環出巡，當傳媒仍未發現其「大玩具」前，卻遭老友蘇永康鬼馬地玩踢爆，健仔「新歡」正式得以曝光。
近年於內地拍劇賺到盆滿缽滿的健仔，原來靜靜雞買了個「大玩具」獎勵自己。前日下午4時半，健仔老友蘇永康與黃偉文、郭啟華等人於中環出現，一身型爆打扮的蘇永康友善地向記者打招呼，問他去哪裏？蘇永康說：「啱啱試完造型之嘛，幫新唱片試封套囉。」蘇永康一行人去到商場下層，他友善地和工作人員握手及合照後，與黃偉文結伴離開，臨上車前先問了傳媒是哪間機構，繼而鬼馬地玩踢爆。

健仔內地拍劇大豐收，得閒回港shopping。
* 編按: 為何臉珠肉肉的？是角度問題吧？

蘇永康笑笑口指着停在不遠處的簇新林寶堅尼辣跑，並說：「你哋有冇時間呀？架車張衞健o架，你哋等佢啦！」被老友玩踢爆，記者睇見健仔這架價值逾320萬的 新歡行車證登記顯示為9月15日，絕對新鮮滾熱辣。及至5點多，買了「大玩具」的健仔終於露面，他戴帽及黑超、手持一袋戰利品，一身黑白配打扮與「新歡」 襯到絕。

張衞健駕着「大玩具」離開。

健仔買林寶堅尼辣跑獎勵自己。

親切露歡顏

健仔發現記者後友善展笑容，而商場的保安立即為他打開車門，健仔大方地登上「新歡」，絕塵而去，向來鍾意跑車的健仔，今次升級成為超級跑車車主，認真可喜可賀，難怪老友蘇永康都忍不住要報喜。