【報紙】Big Four開騷阿嫂們齊撐

* 編按:
真你好正! Big Four快D再開演唱會啦~~~~ Big Eight都得架!

日期: 2013年5月26日
來源: 蘋果日報

Big Four開騷阿嫂們齊撐  Sammi酒店房等緊?

《The Big Four大家利是事世界巡迴演唱會2013 》噚晚喺澳門舉行，仲邀請咗吳國敬同鄧建明做嘉賓。蘇永康喺台上笑言向陳奕迅(Eason)預訂演唱會門票失敗，佢笑住話﹕「Eason爸爸(陳裘大)都嚟咗睇，當知道uncle想嚟睇時，我即刻打俾Eason話俾飛，仲順便問佢訂150張佢嘅演唱會飛，但佢即刻cut我線。」

除許志安外，張衛健、梁漢文同蘇永康都各有老婆同家人撐場，問到安仔點解女友鄭秀文冇嚟？張衛健就代答：「佢喺酒店房等緊。」

安仔女友鄭秀文冇嚟？張衛健就代答：「佢喺酒店房等緊。」

蘇永康附和：「頭先落台握手見到觀眾席上嘅女友，即情不自禁要攬下，見安仔冇得攬，咪話借個女友佢攬下，佢又真係攬，冇所謂啦，老婆如衣服嘛！」張衛健驚叫：「嘩！你講架咋，我冇講，I Don't want to share my wife with you。」安仔附和自己都唔會。

康仔忍唔住同女友攬攬。

Big Four請咗吳國敬同鄧建明做嘉賓。

演唱會氣氛一流。

健仔仲笑言同安仔合唱《你愛我像誰》時，差點情不自禁來個『馬交輪』，但眼尾看到太太張茜凌厲眼神，佢笑住話﹕「厲一厲我，立即點到即止、無得偷食。」

有傳安仔同Sammi協議生BB，安仔話：「被人寫咁多，又話生又話唔生，又話結又唔結，搞到我頭都痛，頭都大晒唔識點回答，所以唔答嘞，無可奉告，只可以話得啖笑。」