來源: 壹週刊第1264期, 同你吟一吟
張衞健 貼身孝順阿媽
上年張衞健阿媽余嘉碧遊水遇溺，送入深切治療部搶救時兩度冇曬心跳同脈搏，好在最後大步𨂾過，自此， Dicky無論工作幾忙都好，一有時間就返香港陪媽咪做孝順仔。
早個禮拜，《壹》仔響中環撞見 Dicky陪媽咪去睇醫生，Dicky又扶又撟又搭，貼身照顧。兩母子行到邊，唔係撟手就搭膊頭，感情好到不得了。
阿媽口渴， Dicky幫手搞吓啲冰，先俾阿媽飲。
代客泊車職員（箭嘴）原本打算行去司機位開門，但 Dicky吩咐對方照顧老人家就 OK，收到，即辦！
睇完醫生， Dicky去附近茶餐廳買凍飲，兩母子仲一人一啖分甘同味。之後 walk返去東方文華搵代客攞車，老規矩，代客收完錢同貼士，都會幫「老細」開車門，不過 Dicky就同泊車仔講：「你唔使理我嘞！睇住我阿媽上車」凡事以阿媽為先，乖仔！
上年 Dicky媽遊水遇溺，一個月後已經可以再遊水， Dicky更大讚媽咪勇敢，響邊度跌低，就響邊度爬番起身。
(影片來源: 壹週刊)
沒有留言:
發佈留言