【報紙】祝福「拖鞋王」一世無憂

日期: 2014年6月12日
來源: 東方日報

健仔祝福「拖鞋王」一世無憂

蘇永康與女友Anita將於今年「1202」拉埋天窗，蘇康圈中人緣甚佳，Eason、任賢齊、張衞健（健仔）紛紛送上祝福，Eason說：「賀禮我會私下做，但佢未同我講，不過都信你哋嘅。」身為康仔唱片公司老闆的小齊稱是大喜訊：「如果係，到時全公司嚟賀佢，不過未收到佢通知。（賀禮？）知佢鍾意時裝，會喺呢方面諗吓。」

健仔（右二）向蘇永康（左二）送祝福，祝他以後可以食軟飯。（資料圖片）

健仔雖說對蘇康婚訊不知情，但就「抵死」祝賀：「恭喜佢搵到個好歸宿，娶到有錢女人一世無憂，會送對拖鞋畀佢，寓意佢做『亞洲樂壇拖鞋王』，以後可以食軟飯。」健仔更佩服蘇康敢再婚，是眾多離婚男人的好榜樣！另外，Eason昨日踩入校園與數百學生舉行新碟分享會，動作表情多多的他令學生不時報以歡呼聲，他又否認與佘詩曼細佬在上海合資酒吧。