我是因他的歌聲才會發現到他的，故以每次見到有人也同樣認同他的歌聲就像找到知音人般!
日期: 2015年11月5日
來源: 宅男京的分享園地
作者: Alan Chu
[音樂] 張衛健 - 其中一個我好欣賞的歌手
今次唔係講歌, 係講人–張衛健!
張衛健初次認識佢應該係無視電視劇日月神劍(睇 wiki 有印象E個名), 佢D劇我個人好矛盾, 因為好重周星馳影子 (西遊記VS齊天大聖, 鹿鼎記VS小寶與康熙, 少林足球VS功夫足球), 但講心果句, 我又真係幾中意佢做戲, 就算故事似, 但都有自己風格(睇西遊記睇左N次,雖然好多人話紫霞仙子果part好感人, 但我真係無咩感覺, 反而睇齊天大聖紫薇仙子死果part我有小小眼紅紅) 同埋佢 D 選角好合我口味 (阿嬌, 林心如同黃伊汶)
講番音樂, 有人話梁漢文係不幸, 次次都紅歌唔紅人, 但如果梁漢文係不幸, 張衛健直情係悲劇, 因為佢連歌都唔紅, 你話佢唔唱得?無好歌? 我唔同意, 《身體健康》, 《你愛我像誰》絕對係經典, 《至情至聖》有時聽番我都想喊, 張衛健感情表達方面真係好正, 聽親都好有feel, 但有幾多人記得佢係歌手? 但無論其他人點睇, 佢係我其中一個好欣賞的歌手!
《身體健康》
《你愛我像誰》
《真真假假》
沒有留言:
發佈留言