來源: E週刊
曾被無綫羞辱 隔廿年張衛健回巢拍劇
一講到孫悟空，你會諗起邊個？好多人一定會諗起經典中嘅經典張衛健。
當年張衛健因《西遊記》而人氣急升，成為無綫收視福將，但就因為喺傾續約嘅嘅時候，有人一句：「唔好以為你演馬騮就好勁，如果你面上冇毛嘅話，你係唔值錢！」令張衛健心灰離巢，去到內地同台灣發展。而時隔咁耐，因無綫近年人才缺乏，所以邀請舊人回巢拍劇，張衛健亦都放下舊時嘅分歧，即將返娘家拍劇呀！
當年張衛健嘅《西遊記》一播即刻爆紅，一講孫悟空就會諗起佢個樣。
但後來因續約薪酬問題，同無綫鬧翻，出走內地同台灣發展。
依家無綫人才凋零，只好邀舊人回巢，張衛健亦已經確認返娘家拍劇。
《小寶與康熙》當時喺港台兩地爆紅，張衛健仲入圍台灣第三十六屆電視金鐘獎連續劇類最佳男主角㖭！
其實張衛健去到內地同台灣發展後，事業更加更上一層樓，接拍嘅劇集仲多數中港台兩岸三地都爆紅，唔知你地有冇睇過？
沒有留言:
發佈留言