直覺話我知依場戲係會勁爆笑.... XD
日期: 2017年4月22日
來源: 東周刊，第712期「東姑818」
張衛健歎女體盛宴
久違咗香港娛圈接近廿年嘅張衛健（Dicky）， 二月宣佈咗回巢無綫拍台慶劇《大帥哥》。東姑記得當時無綫為咗隆重其事， 仲搵咗高層樂易玲同曾勵珍，一齊陪佢做咗個大型嘅簽約儀式。
張衞健喺劇中有多個大帥造型，真係型到跌渣！
難得氹掂張衛健回巢，無綫當然要將佢主演嘅劇集， 變成話題之作。
其實，召喚得張衛健回巢救亡，無綫一定唔會虧待佢啦！東姑收到風， 除咗人物有話題性之外，原來劇情都唔嘢少，喺電影《鴨王》出現過嘅「人體盛」，即將踩界喺電視螢光幕呈現喺家庭觀眾面前。
「女體盛」係電視史上大膽嘅嘗試，不過只屬意識形態上嘅突破，因為女演員着咗件肉色裙打底。
呢場戲嘅劇情，就係講一班藝妓喺張衛健面前作性感演出，又同其他男演員摸身摸勢，而最大嘅噱頭係「女體盛」。即係用女性裸體當作餐具，再放啲魚生同壽司上去，聽落場面好香艷；但其實，飾演藝妓嗰位女演員，拍攝前做足功夫打晒底，所以意識形態上係好大膽，而實情係乜嘢都冇得睇嘅。
大律師清洪契仔巫翊鳴，年前喺中環開嘅夜店， 都曾經玩過「女體盛」作招徠。
喺電影《鴨王》入面，何浩文都做過「人體盛」，喺佢赤裸嘅身體上，堆砌咗各款壽司，然後畀啲闊太們享用。
足球名將陳七嘅女友劉雅婷，舊年生日都扮玩「人體盛」， 將蛋糕放上外籍男身上吹爉燭。
============================================================
沒有留言:
發佈留言