【報紙】飛起安仔梁漢文 張衞健爆BIG FOUR不和

* 編按:
你地不和就梗架啦，成日互爆衰野，不過講極都冇人信之嘛~

日期: 2017年9月23日
來源: 東方日報

飛起安仔梁漢文　張衞健爆BIG FOUR不和

吳國敬（阿敬）與張衞健（Dicky）及蘇永康（阿公）即將於十月，在馬來西亞雲頂舉行演唱會。

接受訪問時，談到今次飛甩BIG FOUR其他兩位成員許志安（安仔）和梁漢文開騷，Dicky即指恨了很久才能擺脫許志安和梁漢文，問到四人是否不和，Dicky笑言：「不嬲都冇和過，你問我點解？因為喺BIG FOUR之中，我同蘇永康就比較受歡迎少少，其實許志安同梁漢文就眼紅咗我哋好耐。佢哋做BIG FOUR就為錢，我哋就為友誼，只能夠講道不同不相為謀。」而阿公就解釋，其實是因為BIG FOUR四兄弟幾十年朋友，但連「最強大腦」Dicky都還未想到能夠超越以前的演出呈現出來給觀眾，所以才暫時「分拆上市」以不同形式合作。

張衞健話佢同蘇永康比較受歡迎少少。

張衞健仲話許志安同梁漢文眼紅佢哋添，認真搞笑！

吳國敬（左起）同張衞健、蘇永康開騷。

佢哋話揀歌最頭痛！

吳國敬話會落台同觀眾Selfie。

蘇永康話呢次開騷會揀選觀眾上台合唱。

令人期待！

吳國敬仲話會派埋黑膠碟。

BIG FOUR

至於談到三人首次合作，他們都直言揀歌最頭痛，因為要顧及馬來西亞的觀眾。阿公透露今次會特別抽出五分鐘，現場揀選兩位觀眾分別合唱兩首經典歌，Dicky笑言會獻出三秒任幸運觀眾魚肉，而阿敬就笑言：「我就冇佢哋咁孤寒，會落台同觀眾Selfie，同埋派黑膠碟！」提到今次大家合作上可有摩擦，阿公聞言即搞鬼笑言：「普普通通啦，做完都唔知有冇Friend做！」

============================================================