【報紙】張衞健: 只想用廣東話拍劇

日期: 2018年10月9日
來源: 晴報

唔知《大帥哥》12月播 張衞健：只想用廣東話拍劇

張衞健去年初高調回無綫，拍攝今年重頭劇《大帥哥》，但盛傳劇集慘變倉底貨。不過有指劇集終定於今年12月播出，張衞健昨日表示當初回無綫拍劇，目標只想用廣東話拍劇給港人看，所以幾時播也沒所謂。

有傳無綫嫌有份演出《大帥哥》的蔡思貝形象差，所以臨時抽起劇集，「被消失」三大台慶劇之列；不過洪永城卻在網上爆料，暗示《大帥哥》已定於12月播出。張衞健昨日出席「健康快車慈善步行2018」記者會，表示不知劇集何時播：「唔知道，亦無人問我度期做宣傳。」提到《大帥哥》台慶無影，他輕描淡寫說：「其實入行以嚟，我拍過嘅劇，都未試過係台慶劇，對我嚟講好common，因為我目標好單一，就係好想用廣東話拍一部劇畀香港人睇。」

張衞健表示拍《大帥哥》時，跟一眾後輩合作十分開心。

張衞健跟隨李小鵬（左）做運動，尚算輕鬆應付。

撑蔡思貝形象好

有指蔡思貝拖累劇集，張衞健笑說：「以我嘅魅力，8至80歲都走唔甩，蔡思貝都應該鍾意我，但只限於對前輩嘅尊重。（對思貝印象如何？）佢形象幾好，好努力、好尊重合作嘅同事。」他指劇集若在12月播出，自己未必能抽空宣傳，因早已答應陪太太張茜去旅行。

另外，席上張衞健與奧運體操金牌名將李小鵬一起做運動，事後張衞健坦言運動不多，但會盡量郁動，例如捨棄搭電梯，改行樓梯。