【報紙】中佬張衞健竟然比謝霆鋒後生？

日期: 2021年7月12日

來源: 東方日報

1996年舊片出土　中佬張衞健竟然比謝霆鋒後生？

「大帥哥」張衞健最近為見愛妻，就中港兩邊走，尋日（11日）更罕見現身好友洪永城婚禮，令人驚喜。不過原來近日，佢同細佢15歲、型男謝霆鋒嘅陳年片段被內地網友翻炒，當時二人一同出席《1996年十大中文金曲頒獎典禮》，當時已經係31歲嘅張衞健依然唇紅齒白，成個小鮮肉咁，身旁就係當時僅16歲嘅謝霆鋒，估唔到咁樣一對比，兩個人竟然一樣咁Fresh，有頭髮嘅張衞健更加係童顏，唔講仲以為佢哋同年呀！

呢個係31歲嘅張衞健，仲要有頭髮！

點估到佢同謝霆鋒原來爭15歲。

佢哋仲一齊拍過《小魚兒與花無缺》，扮兩兄弟。

除咗身高，根本就似同年。

睇嚟張衞健要公開防腐嘅秘訣喇。

唔少網友睇完片都大讚佢兩個都係典型靚仔，一個斯文一個Rock爆，都同樣吸睛，令人目不暇給，好想回到當年重睇二人2005年曾合作嘅經典劇集《小魚兒與花無缺》呀！