【報紙】張衛健懶講我愛妳

日期: 2000年5月28日
來源: 星島日報

張衛健懶講我愛妳

劇集《 小寶與康熙》 昨日於鑽石山荷里活廣場舉行宣傳活動﹐ 身為男主角的張衛健除了攜同劇中「 老婆仔」 朱茵及陳法蓉出現外﹐ 亦聯同正印女友兼有份演出的張茜協助宣傳﹐ 一對小情人頓成傳媒追訪目標。劇中Dicky 與多位靚女均有對手戲﹐ 有傳女友因而呷醋﹐ 問及Dicky 有無哄番女友﹐ 他竟說﹕ 「 我唔會好似其他男人咁刻意同女友講我只愛你一個。 」 Dicky表示自己比較喜歡用實際行動去表達愛意。

張衛健於遊戲環節應主持人要求描述一下劇中的女演員﹐ 當Dicky 講及女友張茜時﹐ 他竟說與她幾熟絡﹐ 所以拍劇時都毋須避忌﹐ 尤其是拍攝談情戲分﹐表現得甚為自然﹐ 他說﹕ 「 當要拍攬攬抱抱的戲分時﹐ 唔需要睇定先﹐ 攬邊個位好呢﹖ 就算錯了少少﹐ 佢都唔會怪我。 」

另外主持人問及Dicky 最不擔心與哪位女角搭膊頭時﹐ 張茜就搶住答﹕ 「 係我呀﹗ 」

Dicky 表示女友張茜亦有詢問他與劇中女演員合作得如何﹐ Dicky 坦言會如實講出自己的感受﹐ 他說﹕ 「 不會說假話﹐ 佢有問我朱茵、 林心如靚唔靚﹖ 我會答朱茵梗係靚啦﹐ 唔係點做第一女主角呀﹗ 林心如就好聰明。 」

Dicky 絕對不會以甜言蜜語哄女友﹐ 喜歡以行動表示。他說﹕ 「 每一段感情﹐ 都會有開心及不開心的事情﹐ 我會向好朋友好似安仔同阿康學習﹐ 都希望好似佢地咁拍拖咁長久。 」

另外﹐ Dicky 表示《 韋小寶與康熙》 是繼《 西遊記》 與《 方世玉》 之後最滿意及拍得最辛苦的作品﹐ 他坦言對此劇期望很大﹐ 因為無論製作或選角都絕不馬虎﹐而自己亦花了很多心思去演出﹐ 所付出的可謂眾多劇集之最。對於該劇於無線播放﹐ Dicky 表示由於有慣性收視﹐ 可謂事半功倍。

Dicky 更透露將會簽約某一間香港公司作為經理人﹐ 因為他與弟弟均覺得要有一間大機構於背後支持自己﹐ 他說﹕ 「 我覺得酬勞都幾滿意﹐ 會簽兩年約﹐ 我的弟弟就會放手﹐ 將我交畀呢間公司﹐ 包括劇集、 電影、 廣告﹐ 香港及台灣唱片都全由佢地一方包辦。 」

另一邊廂﹐ 張茜稱自己並沒因男友與劇中多位女演員合作而呷醋﹐ 她更笑說自己十分大方﹐ 對於男友大讚朱茵及林心如等女角﹐ 張茜大發嬌嗔地說﹕ 「 佢好衰架﹗ 」

問及會否擔心男友與劇中靚女傳緋聞﹐ 她說﹕ 「 都有少少擔心 ﹗ 不過就冇達到呷醋咁嚴重﹐ 同樣道理我與一些男演員合作﹐ 佢都擔心架 ﹗ 好似拍《 蘇乞兒》 咁﹐ 佢問我會唔會同男主角有kiss 戲。 」 張茜表示雖然於《 蘇》 劇中沒有親熱戲﹐ 但並不是男友不批准的緣故﹐ 她表示只不過劇情不想太激之故。她說﹕ 「 佢都可以同其他女演員kiss ﹐ 點解我又唔得。 」

( 記者遊艾維報道)