【報紙】張衛健張茜公開打情罵俏

日期: 2000年5月28日
來源: 東方日報

張衛健張茜公開打情罵俏

張衛健與張茜昨日以情侶檔上場為電視劇《小寶與康熙》宣傳，健仔更笑言劇中眾多老婆當中，拍親熱戲演得最自然是張茜。他說：「有時同女演員拍親熱戲，都要就一就位，同佢拍就唔使囉，摸錯少少都唔會怪我。」問到二人何時結婚？張茜笑指是很長遠的事，但健仔卻笑道：「我最近感冒未清又燥熱，睇緊中醫，醫番好先諗結婚啦！ 」

日日呷醋

有說健仔今次演「韋小寶」靚老婆眾多，張茜日日呷醋，雖然張茜不認自己是醋埕，只說有少許擔心，但健仔笑謂：「我同邊個拍完戲，佢就問個靚唔靚咁囉，我會答話朱茵好靚、林心如都好聰明，但係我就一 定唔會話〖傻啦，我只係愛你一個〗，我講唔出！」