【報紙】張衛健借小寶造勢

日期: 2001年2月10日
來源: 星島日報

張衛健借小寶造勢

做馬騮精做到大人細路都對他念念不忘的張衛健， 原來已有計畫「 翻炒」 ， 不過唔係同亞視合作喎！而係同日本方面接觸， 幫他穿針引線的， 當然是他大老闆劉德華啦！據聞， 今次若果事成的話， 華仔的天幕公司會出資金投資， 而這齣中日合作的《 西遊記》 ， 當然由張衛健做孫悟空啦！

張衛健說： 「 因為我公司同日本片商正斟洽開拍《 西遊記》 ， 所以無可能再接拍亞視那齣電視劇。 」 由於合約未簽， 所以健仔不欲多談， 不過若事成，健仔就可藉此機會進軍日本， 將自己的演藝事業拓大。

講到事業， 健仔今年分分鐘再創高峰， 因為由他主演的《 小寶與康熙》 已定在下週推出， 而這齣電視劇的角色「 韋小寶」 ， 絕對開正他的「 強項」 ─ ─鬼馬、 俏皮、 有小聰明及帶點人情味， 而他的自創對白， 又十分精警惹笑。

根據往績， 健仔演繹這類角色必定深人民心， 遠者有《 老友鬼鬼》 、 《 西遊記》 ， 近者有就算在弱台亞視播出的《 方世玉》 ， 依然有高收視，差點令無線束手無策。

而今次《 小寶與康熙》 除了有健仔外， 又有愈來愈有戲的譚耀文， 專門搞笑的吳孟達和黃一飛， 女角方面有第一次參演電視演出的舒淇， 又有電力四射絕少在電視熒幕出現的朱茵， 還有健仔的愛人張茜等等， 而幕後班底亦唔弱， 是王晶公司出品， 前四集更是王晶親自執筆做編劇， 當然會有叫座力。

不過， 經常有鬼主意的健仔， 就算面對晶哥的「 結晶品」 ， 依然劇本照改， 他說： 「 因為內容太過搞笑， 我覺得煽情些比較好， 不過我事後都有給晶哥電話， 他說沒問題。 」

而戲中， 健仔會同七個老婆都有嘴戲， 問健仔怕不怕女友在現場看到會吃醋？他說： 「 是難免的了， 我都會體諒她的心情。 」 至於七個老婆中， 健仔又會否覺得女友張茜最靚？健仔就笑笑口說： 「 咁又講唔出， 不過情人眼裏出西施。 」 唔， 情人節會來香港做宣傳的張茜， 相信看到男友這一句說話， 一定甜到入心。