【報紙】結婚要先問老闆劉德華

* 編按:
下圖為宣傳海報。

日期: 2001年6月4日
來源: 星島日報

張衛健結婚要先問老闆劉德華

前晚舉行的《 生命重燃慈善演唱會》 ， 匯合京港台三地歌手， 但只得張衛健和張茜一對情侶， 自然成為大家取笑的對象， 劉德華更打趣地語帶三級話二人很適合「 造人」 。健仔在否認之餘， 還聲稱不會作婚前性行為！

話說華仔提到活動主題， 捐出的骨髓要符合病者體質才適用時， 立即向身旁的健仔打趣說： 「 我知有人同你好適合。 」 健仔醒目地反問華仔是否指張茜， 豈料華仔輕拍健仔的頭道： 「 姓張的同​​你造人就好適合！ 」 嚇得健仔連聲否認說： 「 未做過， 未做過！ 」

事後訪問中， 他仍堅稱自己沒有做過， 並指如果真的造人成功便慘了， 因為現時尚未有為人父親的心理準備。他更表示不贊成婚前有性行為， 要做一定要婚後才進行。

隨後還拉華仔落水道： 「 萬一我真係想結婚， 都會先徵詢老闆意見， 如果老闆反對， 就會hold 住先， 因為要尊重事業和老闆的看法， 不過所簽的合約年期不是很長。 」 言下之意似乎不打算在短期內結婚。

在綵排時， 張茜透露健仔沒有向她求過婚， 健仔抵死道： 「 我係冇呀， 我都未投訴佢唔向我求婚… … 」 張茜得悉男友的投訴後， 笑笑口說： 「 佢又唔係女仔， 唔通世界調轉黎， 要我求婚同送結婚戒指畀佢咩！ 」 不過， 原來張茜是不明白華仔說「 造人」 的含意， 當記者解釋過後， 她跟男友同一鼻孔出氣道： 「 梗係無做過喇！ 」 問到對婚前性行為的看法？她一面尷尬的說： 「 好難答呀！ 唔答得唔得呀？ 」

其實健仔只是口硬而已， 他對女友可謂愛護有嘉， 知道張茜首次在港演唱， 心情一定會很緊張， 事先已主動跟她商討出場對白和逐句指導張茜所選唱的廣東歌。

雖然張茜曾表示一口流利的廣東話並非健仔所教， 不過健仔透露兩人單獨共處時， 主要是以廣東話溝通， 因為他每每說普通話超過一小時便會開始頭痛， 但健仔又補充說： 「 佢同我媽媽傾偈反而用普通話， 畀個機會我媽媽練習嘛！ 」 張茜咁識做人， 醒目女﹗