【報紙】邀拉姑探班 贈健仔驚喜

* 編按:
嘩.... 記者都不做資料搜集，文中的資料錯得離譜呀....
與拉姑合作的應是《黃金十年》，屬TVB在1986年的出品，所以不是8年前，是16年前呀!

日期: 2002年1月28日
來源: 蘋果日報

邀拉姑探班  贈健仔驚喜  霆鋒俊版鍾馗大戰悟空

謝霆鋒前日抵達浙江橫店，拍攝電視劇《齊天大聖孫悟空》，他在劇中扮演捉鬼天師鍾馗，但其造型捨棄一貫的紅臉髯，以靚仔 look登場。霆鋒還邀母親狄波拉同行，讓她與張衛健重逢。

謝霆鋒在前日下午已抵達浙江橫店，拍攝電視劇《齊天大聖孫悟空》。霆鋒到後，隨即以全新靚仔造型，如戴上一個紅色閃電頭飾演繹家喻戶曉的捉鬼天師鍾馗。

謝霆鋒的造型相當俊俏，有別於以往的鍾馗。

以往的鍾馗造型，圖中扮演者為午馬。

為造型講古

前晚霆鋒在片廠中，吊威也拍攝與飾演孫悟空的張衛健（健仔）之對打鏡頭，但問到其鍾馗造型何以反傳統時，霆鋒便講古，他笑說：「因為鍾馗太靚仔，追晒皇帝D後宮佳麗，於是俾皇帝貶為庶民，自殺死左之後，又俾地藏王安排佢捉鬼幫人，皇帝妒忌佢，咪劃醜佢個樣黎流傳民間，呢D野戲中自有交代啦。」

霆鋒今次為助健仔，除義務友情客串演出外，還破天荒邀母親拉姑狄波拉來探班。原來拉姑與健仔已結緣十五載，自八年前健仔在劇集《黃金歲月》中飾演拉姑兒子後，至今未曾合作，之前健仔曾向霆鋒透露甚掛念拉姑，所以霆鋒才邀阿媽探班，讓健仔有意外驚喜。

狄波拉披上女兒婷婷送贈的毛毛大褸，千里迢迢往橫店探健仔班。

霆鋒親身上陣吊威，與扮演孫悟空的張衛健拍攝拳來腳往的鏡頭。

相識十五年

拉姑說：「十五年前 Dicky（健仔）已經當正我係阿媽，母親節就送卡同送花畀我，我呢次冇同佢講過話會黎。」健仔則笑說：「霆鋒話過送份會郁既禮物畀我，我一見到係拉姑真係好開心。」

記者胡比橫店直擊