【報紙】演馬騮戲「毛」法忍受 宣布告別孫悟空

日期: 2002年10月31日
來源: 星島日報

演馬騮戲「毛」法忍受  張衛健宣布告別孫悟空

張衛健昨日宣布金盆洗手以後都不再扮馬騮，主要是因黐毛辛苦到支持不了，加上《齊天大聖孫悟空》亦已是電視史上的極限，故此見好就收。

集人氣偶像演出的《齊天大聖孫悟空》，將於無線台慶月播出，昨日張衛健和葛民輝、梁漢文、李燦森和 Twins出席試映會，健仔席間宣布金盆洗手說：「我決定以後都唔再扮馬騮！」
健仔坦言：「今次係最後一次， Never Again，扮馬騮實在太辛苦，呢個劇無論演員配搭、特技花費、場景都已到咗極限。我拍《韋小寶》時以為已經好辛苦，但拍埋呢部，先真正體會咩叫辛苦到嘔！」

健仔不諱言自《西遊記》後事隔6年再扮馬騮，初時他也不知如何演繹，還向周星馳取經，星仔對他說：「你以前點演依家咪點演囉，唔使諗咁多，配搭唔同就已經有新鮮感㗎啦！」不過演埋今次，健仔坦言不知可以再怎樣演繹。

稍後健仔將和許志安往黃金海岸度假，被問到鄭秀文會否隨行時，健仔故弄玄虛地說：
「總之有我哋兩公婆 (指同安仔) 、奶奶(健仔 媽媽)、細佬同一個朋友囉！係咪鄭秀文？唔知呀，張茜就唔去囉！」

另外對於有女星被翻舊帳，健仔明白傳媒競爭已臻白熱化，作為藝人既避無可避，唯一可做的便是潔身自愛，他笑言：「唔去搵女咪得囉! 」

另外無線助理總經理陳志雲對有指無線將《齊天大聖孫悟空》剪到支離破碎推出，他強調無線購下35集版本將全數推出，雖然劇情經過剪輯及改動場合，此舉只為配合本地觀眾口味。至於以外購劇作為台慶劇也不代表無線不重視本地製作。