【報紙】張衛健宣佈告別孫悟空

日期: 2002年10月31日
來源: 星島日報

張衛健宣佈告別孫悟空

張衛健昨日宣佈金盆洗手以後都不再扮馬騮， 主要是因黐毛辛苦到支持不了， 加上《 齊天大聖孫悟空》 亦已是電視史上的極限， 故此見好就收。

集人氣偶像演出的《 齊天大聖孫悟空》 ， 將於無線台慶月播出， 昨日張衛健和葛民輝、 梁漢文、 李燦森和Twins 出席試映會， 健仔席間宣布金盆洗手說﹕ 「 我決定以後都唔再扮馬騮﹗ 」

健仔坦言﹕ 「 今次係最後一次， Never Again ， 扮馬騮實在太辛苦， 呢個劇無論演員配搭、 特技花費、 場景都已到左極限。 我拍《 韋小寶》 時以為已經好辛苦， 但拍埋呢部， 先真正體會咩叫辛苦到嘔﹗ 」

健仔不諱言自《 西遊記》 後事隔6 年再扮馬騮，初時他也不知如何演繹，還向周星馳取經， 星仔對他說﹕「你以前點演依家咪點演囉，唔使諗咁多，配搭唔同就已經有新鮮感架啦﹗ 」 不過， 演埋今次， 健仔坦言不知可以再怎樣演繹。

稍後健仔將和許志安往黃金海岸度假， 被問到鄭秀文會否隨行時， 健仔故弄玄虛地說﹕ 「 總之有我地兩公婆( 指同安仔) 、 奶奶（ 健仔媽媽） 、 細佬同一個朋友囉﹗ 係咪鄭秀文﹖ 唔知呀， 張茜就唔去囉﹗ 」

另外對於有女星被翻舊帳， 健仔明白傳媒競爭已臻白熱化， 作為藝人既避無可避， 唯一可做的便是潔身自愛， 他笑言﹕ 「 唔去溝女咪得囉! 」

另外無 助理總經理陳志雲對有指無線將《 齊天大聖孫悟空》 剪到支離破碎推出， 他強調無線購下35 集版本將全數推出， 雖然劇情經過剪輯及改動場合， 此舉只為配合本地觀眾口味。至於以外購劇作為台慶劇也不代表無線不重視本地製作。