【報紙】張衛健12歲踢南華青年軍

日期: 2003年6月17日
來源: 太陽報

踢波拍戲雙線發展  潘文迪進軍銀幕求出路

繼澎馬流浪的門將高志超後，來季將改披晨曦球衣的潘文迪，亦剛展開了其銀色旅程。「雖然我仲係一個職業足球員，首要目標係為球會賣命。但如果可以多一條出路既話，我絕對願意去作多方面嘗試，為將來鋪路。」潘文迪笑謂。

早在銀禧受訓之初，潘文迪已憑幵俊朗的外貌，而獲得廣告公司的垂青，安排拍攝一個健康飲品的廣告。十年來，雖然仍有不少廣告公司有意聘用潘文迪，但「阿迪」因時間未能遷就已讓機會溜走了。結果，「阿迪」在九七獲班霸球會南華羅致，而且一踢就是六年。

然而，在六年間為南華立下無數汗馬功勞的「阿迪」，不僅在近兩年因市道不景需大幅減薪，更因南華下季「細搞」而不獲留用。儘管旋即獲今季「雙冠王」晨曦招手，但年屆二十八的「阿迪」終意識到，是時候認真為將來打算。「今次都係一個好偶然既機會，先至有份係《功夫足球》入邊做一個角色。隔左咁多年再次面對鏡頭，感覺好得意。」在南華隊友口中花名「道明寺」的「阿迪」說。

《功夫足球》的演員陣容鼎盛，包括了人氣組合Twins和Boyz、偶像歌手容祖兒、李彩樺，以及搞笑能手杜汶澤、吳君如和張衛健等。有幸躋身其中，「阿迪」又有何感覺？「佢地好多個都好好人，尤其係張衛健，原來佢十二歲個陣都係踢南華青年軍既，佢同林曉峰兩個都教左我好多野。」

雖謂「有心唔怕遲」，「阿迪」可有覺得會落後於人？他未有正面回答，只謂娛樂圈跟球圈一樣，發展除了個人努力之外，際遇亦極之重要，不是單靠把口講便可成功。

除參與《功夫足球》的演出外，「阿迪」的另一個挑戰，就是來季與高尼路和李健和兩名南華隊友，一同轉投晨曦。「我希望自己可以協助晨曦贏晒本地四個冠軍，而最想既就係得到教練同會方既信任，坃到個正選位置。呢幾年發生好多事，我已經受夠啦！」「阿迪」信心十足地道。