【報紙】梁漢文開音樂會《西遊記》徒弟撐場

日期: 2003年6月16日
來源: 太陽報

開音樂會《西遊記》徒弟撐場   梁漢文琴技令Fans欲仙欲死

梁漢文前晚舉行復出樂壇後的首個音樂會，不少好友撐場，令他感動落淚，好友張衛健更取笑他用手指「搞」歌迷，令他們欲仙欲死！

梁漢文（Edmond）前晚在上環西港城舉行音樂會，吸引近六百名歌迷捧場。這是他復出樂壇後的首個音樂會，一班好友特來撐場，包括女友Karen、蘇永康、吳國敬與女友仲春菲、徐濠縈，及曾一起演出電視劇《齊天大聖孫悟空》的三位徒弟張衛健（Dicky）、葛民輝和李燦森。Dicky出場時，竟當著Karen面前，指Edmond經常令歌迷欲仙欲死！他說︰「師父，放下屠刀，立地成佛。點解你要殺生？成日用幾隻手指搞到歌迷欲仙欲死！大家唔好亂諗，我係指Edmond琴技好，成個翻版黎小田呀！」他又笑Edmond是全港唯一歌手可以「食極唔肥」及「開騷前唔使吹頭」，令眾人捧腹大笑！

獲得歌迷及好友熱烈支持，Edmond演唱《七友》時忍不住流下男兒淚，數度泣不成聲。之後他在歌迷要求下兩度Encore，即使樂隊返回後台，他亦自彈自唱一曲《愛很簡單》。

梁漢文開音樂會，「徒弟」張衛健（左起）、葛民輝和李燦森齊來撐場。

流下男兒淚

Edmond說︰「今次係復出後第一個騷，真係感觸良多！雖然場地容納唔到太多人，我都好開心有咁多人嚟睇，新、舊公司同事都有嚟。（幾時係紅館開騷？）Paco（經理人黃柏高）話聽日就會入紙申請，應該出年暑假啦！」


另外，Edmond昨日往淘大商場購物刺激消費，他在一間運動用品店花了六百元購買籃球褲及泳褲等。他選購泳褲時不停看Size，他笑說：「我怕Size唔合身，會跌左出嚟嘛！」