【網絡】張衛健歡迎公開真相

日期: 2004年9月22日
來源: 台長KKK

張衛健歡迎公開真相

張衛健假戲真做，把內地演員王伯昭打到血流披面的事件，昨日又有新進展，王伯昭再入院檢驗，他坐在輪椅上向記者表示，被打後一整晚無法入睡，痛得連翻身也有困難，小便更帶血，醫生指這可能是腎臟受傷後出現的情況，但需要進一步觀察檢驗才有結果。

由於事件愈鬧愈大，王晶昨日不得不在北京舉行記者會，表明今次事件已經過詳細調查，記者會上除了播放出當日王伯昭被張衛健打的拍攝片段外，還加插一段謝霆鋒被健仔狂摑的鏡頭，銀幕上清楚可見霆鋒被打至滿臉通紅。片段播出後王晶說：「演員演戲投入，我地都習以為常，可能因為港台演員同內地演員既拍攝方式同理念上有分別，加上劇組班底以香港人居多，可能咁樣令到有d內地演員唔係咁適應！而家王伯昭既情緒仲好激動，佢餘下既戲份唔多，可能會改少少劇本配合。」

健仔對於王晶在記者會上播放片段舉腳贊成，還說：「而家真相大白啦！乜都公開晒，我會保留法律追究權利，唔排除有人誹謗。（其實今次係咪有人博宣傳？）我真係不願置評，我最唔明白既係點解我要打傷佢呢？劇情講我打佢塊面，無端端又變左個腎有事架……我同佢又唔係爭女，又唔係爭戲，根本冇可能發生咁既事。（拍戲咁多年有冇遇過呢d事？）冇呀，今次真係大開眼界！不過我唔想再多講，等劇組去解決啦！」

身在上海的謝霆鋒得悉王伯昭出現尿血的情況後，只笑謂：「呢個絕對係笑話！果場戲我地根本冇拳腳來往，之前我同健仔拍一場戲，佢狂摑我塊面我都冇野啦！」