來源: 台長KKK
王伯昭一日一版本 玩殘張衛健謝霆鋒
王伯昭前日向張衛健同謝霆鋒下最後通牒，要兩人前晚十點前畀一個令佢同身邊朋友都滿意鮋道歉聲明，否則佢會循刑事起訴佢地「故意傷人」同「造成他人輕傷」，噚日佢又話到依家為止都未起訴，不過就會保留呢個權利，但同時又要人地再道歉，真係乜都係佢講晒啦。
霆鋒經理人Mani就話霆鋒要做的已經做晒，佢亦都好有誠意，其他就交番畀公司為佢處理。
至於王伯昭噚日係電話讀出佢最新版本：「我不能接受張衛健、謝霆鋒有關打傷我的書面道歉，在事情已經很清楚的情況下，仍然試圖用『假設』、『誤傷』來掩飾事情的真相，沒有道歉的誠意，我不接受。」
徐小明暫不回應
「在當面道歉的那天，我曾指出書面聲明不行，他們承諾會回去修改，但修改至今沒有下文，我已表現出極大的耐心和寬容，只希望對方在尊重事實的基礎上，道歉並承擔責任。事到如今，我需要給所有關心我、幫助我、聲援我的同行和公眾一個事情的真相，事實不清則是非不明，如果張、謝兩個沒有勇氣做出尊重事實的道歉並承擔責任，我將訴諸法律追究他們的侵權（侵犯人權）責任。」
王伯昭日日發聲明，人地同佢道歉又話唔滿意，重搞到話可能刑事起訴，之前做和事老的徐小明話覺得兩個後生仔已經做足誠意，但依家件事日日有新版本，所以暫時都唔回應住。
佢鍾意告就告啦
被牽連在內的謝霆鋒昨晚從北京回港，霆鋒甫出閘滿面笑容，當被問到王伯昭有意起訴他與健仔一事，霆鋒只有苦笑，然後聳聳肩說：「都講過好多次啦，我要做的都已經做晒，都唔知點講好！」而他的經理人霍汶希則表示：「謝霆鋒要做的都做晒，佢係好有誠意同真心向王伯昭道歉，事實上佢亦都冇心去傷害人，呢件事到依而家呢個地步，霆鋒都應該維護番自己尊嚴，其他事由公司幫佢處理。」
健仔的弟弟Henry則在電話中表示：「叫佢（王伯昭）起訴啦！佢日日都有新版本講，前日話接受，擒日又話唔得，後日又唔知搞乜，佢鍾意告就由佢啦！（你地唔驚佢告？）我地都冇做錯，驚乜呀？（咁會唔會申請禁制令叫佢收口？）睇下先啦，等佢講晒佢要講既先囉，佢想要乜即管開聲，佢覺得賠醫藥費彌補唔到佢心靈上創傷的話，佢都可以開聲，我地可以做的已經做晒，總之張衛健同謝霆鋒所發的聲明只得一次，亦從來冇修改過。」
法醫報告是期限
身在北京的《小魚兒與花無缺》的監製王晶，為此表示：「我地應該要做、同合理的已經做晒，王伯昭要做乜就由得佢啦！」
據知王伯昭已經委託了北京京都律師事務所代理，律師已經在開始著手收集證據，準備對張、謝兩人提出訴訟。王伯昭希望兩人盡早拿出誠意來，他給他們留下的期限就是等到法醫鑑定報告出來的時候，如果屆時張、謝仍然沒有作出讓大家滿意的道歉，他將正式起訴兩人。
沒有留言:
發佈留言