【網絡】健仔心願起教堂

日期: 2005年5月8日
來源: 台長KKK

健仔心願起教堂

蘇永康近年主力內地發展，留意不少兒童冇書讀，於是捐出10萬元於山區興建小學，並以母親名字命名，作為最有意義的母親節禮物。好友們張衛健、許志安及梁漢文出力呼籲募捐，健仔透露曾祈禱若果大紅大紫便捐錢起教堂，如今是時候實行興建。

「潘燕嫦雁心希望小學命名典禮」昨日假奧海城舉行，蘇永康以贊助人身份出席，並捐出10萬元給雁心會於內地山區興建小學，康仔特別以母親潘燕嫦命名小學，更希望一年起一間學校。經理人黃柏高（Paco）、好友張衛健、許志安與梁漢文（Edmond）出席見證，並出力呼籲市民募捐，不少Fans邊捐錢邊要求偶像拍照簽名。

康仔表示，上月母親70大壽兼今日是母親節，故特別送上學校作禮物，因為母親對內地失學兒童十分關注。康仔於內地開拓市場一年，接拍不少劇集，平日接觸不少失學兒童，他說：「以前聽到多好人話內地兒童冇書讀，依家親眼睇到，我知道安仔曾經捐錢興建小學，所以便效法，第一間用媽咪個名，第二間叫蘇才，係爸爸個名，之後先用自己個名，希望一年起一間。」身邊不少好友出錢支持，張柏芝亦捐出三萬元。問到是否想當校監？他說：「我都三十有八，玩咗大半生，見到南亞海嘯，令我覺得要幫多啲人。（係咪會買少咗名牌去捐錢？）我會賺多啲錢幫人。」

張衛健稱讚康仔的母親節禮物是最珍貴的，他覺得康仔雖非十大最有錢藝人，但仍帶頭捐錢起學校是好榜樣。問到健仔會否起學校？他想了一想說：「我有賑災，其實我20歲時曾經祈禱，如果畀我紅嘅就起教堂，依家要做，我相信喺偏遠地方起。（你咁有錢咪起好多間？）唔好講呢啲。」Edmond就希望效法康仔興建小學。

有傳安仔以2000萬三年合約條件與東亞洽談，安仔即說：「今日康仔做主角唔講。（係咪真？）謠傳歸謠傳。（話你同助手『細佬』傳緋聞？）哈哈，佢係度。（澄清纒，唔係細佬點嫁？）佢嫁唔出唔關我事。」

Paco證實楊千嬅接拍杜琪峰執導新戲《哀悼乳房》，問到千嬅是否轉戰電影？他說：「專業藝人要作多方面發展。（千嬅父母好嚴？）套戲大膽極有限，要睇導演安排。（係咪想千嬅喺影后？）每個演員都有目標，有咪當鼓勵。」Paco覺得千嬅今次可以有新突破。