【報紙】蘇永康捐十萬重建內地小學

日期: 2005年5月8日
來源: 蘋果日報

賀母70大壽  蘇永康捐十萬重建內地小學

蘇永康最近捐了十萬元重建內地長沙一間學校，並以其母親潘燕嫦命名，作為母親節及她七十歲大壽的禮物。康仔昨日更與一班老友許志安和張健等在商場內籌款，齊齊做善事。

蘇永康的母親潘燕嫦上周七十歲大壽，康仔早前捐出十萬元重建內地長沙一間學校，並以其母親的名字為學校命名，作為母親節及她七十歲大壽的禮物。康仔昨日與一班老友許志安、梁漢文和張衛健等，在奧海城出席「潘燕嫦雁心希望小學命名典禮」。

成立助學基金

康仔說：「我爸爸媽媽當年都係新移民，知道內地讀書係好困難，我亦都親自去過一地方探訪，所以就決定捐十萬蚊幫手重建學校，聽日（即今日）係母親節，我媽媽上星期七十大壽，所以我就用佢個名潘燕嫦命名，當係送畀佢禮物。我希望每年可以起一間學校，第二間會用我阿爸個名蘇才命名，第三間先會用我自己個名，我重會成立一個助學基金，希望可以幫到更多人。」

左起：梁漢文、安仔、康仔、健仔和歐陽德勛齊齊在商場籌款。

健仔讚好榜樣

康仔昨日邀請了安仔、梁漢文及健仔等幾位老友一起向觀眾籌款，問健仔如何支持康仔？他說：「娛樂圈要數頭十個最有錢，點數都唔到佢，所以佢係一個好好榜樣。」健仔收入豐厚，問他可有做善事？他即口窒窒說：「唔好講呢D野（指收入），我都有賑災架！」 

此外，早前有指安仔向東亞娛樂招手，叫價二千萬簽三年約被拒，安仔對此說：「傳聞歸傳聞，今次主角係康仔，唔講呢D野！」