【報紙】張衛健再闖樂壇百萬造勢

日期: 2005年11月3日
來源: 太陽報

蕭定一全力催谷   張衛健再闖樂壇百萬造勢

剛約滿M8的張衛健落實簽約蕭定一的「一席好漢」為經理人，蕭定一更豪擲近七位數邀請港台和內地記者飛往北京出席簽約儀式，而健仔加盟後，頭炮將是再戰樂壇，並計畫下月初推出新碟。

早前本報曾率先披露蕭定一以二千萬現金利誘健仔加盟，事隔不到一個月，健仔終敵不過銀彈攻勢，投向蕭定一懷抱，而蕭定一更會花百萬搞簽約儀式，他昨日亦承認此事：「健仔既簽約儀式如無意外，會係二十號舉行，我地仲請左著名清談節目《魯豫有約》主持人陳魯豫做司儀，魯豫今次係破天荒幫我地手，因為佢從未做過任何司儀，佢同健仔好熟，所以佢即刻答應。」

台灣忙錄音

蕭定一又說：「原本我地諗住係長城舉行記者會，但因為北京實在太凍，所以最後決定係室內搞。」而健仔加盟「一席好漢」後，將推出全新廣東加國語大碟，實行在樂壇大展拳腳，不過由於他正身在台灣為下月推出的新碟錄音，所以暫時聯絡不上。