【報紙】明星傑青勵志確不同

日期: 2005年11月22日
來源: 蘋果日報

明星傑青勵志確不同　安仔繼續沉迷

許志安前晚在傑青頒獎禮上致辭，表示認為對或有推動力的事情，定會繼續沉迷下去，並呼籲年輕人要繼續沉迷；然而，年輕人的判斷力不一定正確，安仔這番呼籲可能會弄巧反拙。

楊千嬅、許志安和古巨基等應屆傑青，前晚在灣仔會展出席「2005十大傑出青年選舉」頒獎典禮晚宴。千嬅買了三張請父母、朋友和「人山人海」工作人員出席，安仔亦買了三張枱宴請家人及張衛健、吳國敬、蔡立和歐陽德勛等好友，基仔則買了兩張宴請傅明憲、倪震、周慧敏、經理人黃柏高（ Paco）和傑青提名人趙曾學韞等人。

蔡立、歐陽德勛（左一、二）、張衛健和吳國敬（右二、一）前晚齊賀許志安當選傑青。

榮耀歸父母

安仔在台上致辭時說：「張衛健問我做傑青之後有乜唔會做，我答佢話唔會特別做多公益，但一定唔會少得過以前。我會做番自己，入行十九年都咁堅持『沉迷』，如果自己認為對同有推動力話，我會繼續沉迷去做，希望年輕人繼續沉迷。」年輕人的判斷力未必一定正確，安仔年輕人「繼續沉迷」這番話，隨時造成反效果。

安仔又說：「多謝屋企三十幾年當我細路，唔當藝人，佢令我變成一隻冇翼雀仔，可以令我腳踏實地。爸爸因為行動不便冇，但個獎其實係屬於父母，自己只係代領。」說話到此，安仔已兩眼通紅。

基仔謝 Paco

基仔先後在台上清唱《叮噹》和《友共情》，並說：「 Paco（黃柏高）畀好多信心我，當我以為冇機會再唱歌陣，佢畀好多信心我，幫我好多。」倪震日前行斜路時扭傷，但前晚也撐枴杖到場，而其女友周慧敏前晚生日亦畀面出席，認真夠老友，周慧敏說：「我一路以為自己十一月二十號生日，但早兩年媽咪話畀我知原來搞錯，其實我係十一月十號生日至。」
此外，楊千嬅前晚雖然穿上晚裝赴會，但她整晚蹦蹦跳看來十分粗魯，千嬅解釋說：「我唔慣到咁 formal，而且我怕條裙太長踩到。」