來源: 台長KKK
健仔外形十年如一日
每年張衛健留港的時間不多，大概只有半年時間，其餘時間不是在內地拍劇，就是在台灣工作，難得的是他的外形十年如一日，並無太大改變，比起多年前在無線的一臉殘樣，現在看上去還更年輕些，他哈哈笑道：「係呀，佢哋話我好似過咗膠咁，一啲都無變。」能夠保持在最佳狀態，他強調早睡早起是主要因素，謝絕夜生活，人都精神些。
採訪: 丘紅
攝影: 陳俊強
場地提供: Time Cafe
「如果我唔開工，11點就上床啦，我可以瞓足12個鐘架！」他說就算在港，都甚少去蒲，不過一次與友人去唱K、飲嘢，就幾乎出事：「果次同一大班朋友一齊去飲野，通常我哋係一個個走嘅，果日咁啱我嗌走，舒淇又話走，咪一齊行落咗囉，就畀狗仔隊影到。」還好沒有惹出緋聞，不然又是無妄之災。
「我以前好憎狗仔隊，當然作料係唔應該，但係有時往往影到嘅嘢呃唔到人，唔好成日話無私隱啦，若要人不知，除非已莫為，蒲少啲咪唔會俾人影囉，呢啲係潔身自愛，唔係斬腳趾避沙蟲。」
訂明每日十小時休息
對他來說，工作才是最重要的，他憶述起拍劇的日子，日夜顛倒，捱到金晴火眼，「以前每次拍劇前，我都抱住戰戰兢兢喺心情，一日一日倒數，好似太空人上太空咁。依家就唔同啦，係期待同輕鬆，又有工開囉！」他指以前習慣了日捱夜捱的拍劇生涯，不懂得爭取福利，直至兩三年前，內地的演員如范冰冰、張鐵林等開始冒起，「連佢果份合約都寫明每日要有八小時睡眠，我先突然醒覺，拍戲唔一定要冇得瞓教，呢樣嘢係基本要求，唔夠精神又點可以演好戲呢？」從此以後，他拍任何劇集都訂明每日有十個小時休息時間。
「雖然我哋未必可以似荷里活咁，有演員嘅化妝車，氣溫超過限度就休息，但最起碼應該做到有覺好瞓，飯盒都唔好咁差。」他曾親眼目睹最基層的工作人員搬著機器上萬里長城，每日做足十多小時，只是為了一個飯盒；又或者是40多度的高溫，熱得冒汗的臨時演員連水亦沒有一滴，他寧願自掏腰包買水，亦不願看到工作人受苦。
就是這份執著令他繼續出唱片，回想起當年的辛酸史，健仔說：「果陣時半年只得兩、三萬收入，仲未計上勁歌果套西裝，幾乎連血都出埋，到續約時，唱片公司高層一盆冷水撥過來：『你話畀我聽，邊類人會買你唱片，我就同你出。』結果我就去咗做戲，可能天生我應該係做戲，有時睇番同期，甚至後輩早就銷聲匿跡，我覺得上帝真係好錫我，我嘅努力係無白費。」
有心理準備做好爸爸
入行以來，他除了新秀冠軍的獎項外，從未得過任何獎項，「咁呢行有關電視業嘅頒獎禮有幾多個？如果我係TVB掌門人，我都會畀郭晉安，都唔揀吳鎮宇啦！」雖然大樹好遮蔭，但健仔放眼的是整個大中華區市場，「只要觀眾依然鍾意睇我，就得啦！」
翻看健仔的感情事件簿，與他扯上關係的女仔不算太多，與現在的女友張茜已拍拖多年，經歷了幾番風雨的他已準備好做一個好爸爸：「要來就來啦，總之我唔會做未婚爸爸，當太太懷孕時我一定會陪伴在側，始終呢個係一世人嘅回憶。」提到感情問題，他就說：「無乜好講喎，都咁耐囉！」與張茜經常分隔兩地，他們除了靠電話維繫外，還會飛來飛去互相陪伴：「邊個得閒咪邊個陪囉！」他試過為了哄女友歡心，由香港坐飛機，然後再坐六小時的車上武當山探班，只是想給她一個驚喜，看來張茜這輩子都難逃出他的五指關。
沒有留言:
發佈留言