來源: 太陽報
重返影壇遇張茜流產 張衛健收拾心情搞笑
轉戰電視界多年的張衛健，最近再接拍電影，正當一切準備就緒再顯身手之際，卻不幸遇上愛人張茜流產，令健仔飽受痛苦開工，幸好事隔數月心情已平復，並已有心理準備再度迎接小生命！
張衛健過往不少作品都為觀眾帶來歡樂，最近他接拍驕陽電影《奪標》，亦被安排發放笑彈，原本對於健仔來說是易如反掌的事，奈何拍攝初期，身懷六甲的張茜不幸流產，突然傳來不幸消息，健仔非常傷心，為免影響拍攝進度，也只好頂硬上繼續開工。
健仔直言當時心情直插谷底，但作為媽媽的張茜傷心之餘，卻懂得反過來安慰他，令他不得不重新振作起來，他說：「我記得返到劇組第一場要拍既竟然係搞笑戲，當時自己根本都笑唔出，仲點樣令觀眾笑呢？不過既然開得工就要豁出去，結果就用最短時間調節自己心情去做。我承認拍呢部戲忽略左張茜，不過我冇後悔，其實件事已成過去，所以我地都接受左，同埋都可以準備再迎接小生命啦！」
張衛健努力工作之餘，亦努力做人，準備迎接小生命。
拍戲有眼不識泰山
談到今次重返影壇，驕陽方面用甚麼來利誘他答應演出？健仔笑說：「因為呢部唔係七日鮮既電影，係一部肯花上時間同金錢製作既戲，好記得第一日係片場，導演同我向大家介紹，有啲比較生面孔我以為係臨記，點知原來係攞過七個金牌既運動高手，真係有眼不識泰山！」雖然過往也拍過不少動作戲份，不過面對有武功根底的運動員來說，健仔直言自愧不如，拍攝前特別跟導演上堂紮好根基。
沒有留言:
發佈留言