來源: 陪著你走 - 隨意窩
7/28，星期日在書展裏收到編輯俾我既一本書，係Big Four既張衞健送俾我，仲有一段鼓勵說話。
有日編輯同我講，張衞健打電話俾佢細問阿蚊情況，希望可以作出鼓勵或能出點力，然而當時佢人在北京，專程打長途電話親自問編輯。我知道後，心中十分驚訝，一個紅極一時既藝人(仲要係男人)，點解會睇我本書? 更重要係佢非常忙，但佢竟然不假手於人(例如助手)，親自去慰問一個小市民，細想世上有幾多個成功既人會用心去關心其他人? 更重要係唔係用錢，而係用心。當我睇完佢地本新書"不一樣的Big Four"後，我對佢性情/性格就更加欣賞。
張衞健自小就面對父母分離，一個年輕人為咗屋企，係酒廊唱歌，係不放棄理想情況下，參加咗新秀更贏得金奬。佢事業沒有一帆風順，一次機會下佢成功了，但年輕既又有幾多個會懂得"成功"? 往往就只會認為係因為自己才能，一世都可以因自己能力而更好，這就是年輕(我亦犯過呢種錯，而後果由阿蚊承擔)。係孫悟空熱潮過後，佢事業就係低潮，更有人同佢講：你的面孔沒有毛就不值錢的! 一個成功過既男人，係低潮時候再俾人踩，試想你會點? 張衞健就以自己志氣同硬頸性格(我覺得，因為我都會咁做)，從北京再努力，再得到今天成就。沒有當年低潮，今天就唔會有一個懂得關心人既藝人，而佢所付出的，沒有刻意去俾其他人知。佢有既係錢同名氣，但最貴重既係佢時間同心機(係書中我明白到佢心機係佢最厲害才能)，佢唔同一般有錢人，佢反而付出自己最貴重既，這反倒令我更欣賞佢，而更重要係張衞健身上見証到人生有高有低，只要好似魚一樣，繼續力爭上游，你唔會一生低潮，下一次將會更開心，更有意思。
"知道你辛苦喇! 為自己愛既人付出係值得的! Be happy! She wants you to be happy!"
沒有留言:
發佈留言