來源: 壹週刊 Next Magazine
為B換大屋 張衞健吼 6000萬貝沙灣
08年 2月，懷孕八個月的張茜在毫無徵兆下突然流產，喜事變成白事，喪女之痛，令張衞健張茜心情跌落谷底。
經歷兩年時間，盛傳張茜再度有喜，雖然當事人拒認，但其實一早做足心理準備，更在家中擺放求子風水陣。早前，夫婦倆到貝沙灣睇樓，據了解，張衞健睇中一個市值 6000萬的雙連單位，打算細屋搬大屋，為迎接小生命，作好準備。
穩定期五個月
再次有喜，張衞健張茜口徑一致向外否認，不過，其實半年前兩人已經做定準備，開始再次造人，又搵高人在家中擺設求子風水陣，希望一舉成功及BB健康。
○九年，張衞健到菲律賓大排筵席，邀請大班圈中好友參加婚宴，花費不菲。
「嗰次件事（流產）對佢兩個打擊好大，好彩因為有信仰（天主教），先可以捱過咁艱難嘅日子。對於再次佗 B，阿茜都有好大壓力同有陰影，直到今年初，佢哋先真正放開懷抱，唔再為嗰件事耿耿於懷，先開始積極造人！」張茜身邊友人說。
經歷過喪女之痛，張衞健與老婆張茜感情更加堅固。
試過小產的張茜，亦不敢怠慢，睇住中醫調理身體，醫生亦向他們提到，因為之前試過流產，小產的機會比一般孕婦高。
「醫生同佢哋講，穩定期要喺五個月之後，所以 Dicky同阿茜傾好，就算有咗，都唔會向外公布。好似佢哋呢排都同朋友講話會積極造人，但究竟係咪有咗？又神神秘秘，叫大家唔好問，祝福佢哋就得！」知情者說。
趙雪英帶睇樓
拍拖十年，張衞健終於在去年給張茜正式名分，婚後二人亦大部分時間留港，以九龍西半山的爾登豪庭做愛巢。
樓市高企，張衞健照入市，除睇好貝沙灣有升值潛力，亦希望為小生命做足準備。
小腹微隆的張茜，冇正面承認有咗，但卻樂於接受朋友祝福。
張衞健前經理人趙雪英近月炒樓大賺幾千萬， Dicky揀樓亦找她幫眼俾意見。
張衞健揸住車講電話，令身旁的張茜大為緊張。
今個月六日下午一時多，張衞健駕駛其七人車，載住老婆張茜，離開寓所，直駛往前經理人趙雪英位於九龍塘的兩億豪宅。之後，張衞健的七人車與趙的七人車一前一後再出發，過海到有名人風水屋之稱的貝沙灣。沿途由於張衞健一邊揸車一邊傾電話，令坐在身邊的張茜大為緊張，不時觸碰他的手提他小心。
相連單位
會合地產經紀及到管理處登記後，車輛直駛往六期的貝沙灣 Apartment；三人落車一同走入屋苑內，而身穿平底鞋、長 tee遮掩下見腹部微隆的張茜，則緊隨老公身後。
據了解，張衞健睇中了一個面積四千多呎的相連單位，兩個單位市值共約六千萬。
「呢輪佢哋頻頻睇樓，傾向買貝沙灣，諗住有升值潛力，加上風水好，揀大單位，都知係為咗 BB啦！」張衞健身邊人說。
爆出再度有喜消息後，張茜便經常用袋遮肚，兩公婆更同時封口否認有喜，對再懷孕小心翼翼。
○七年張茜初次懷孕，兩公婆搬入張衞健入貨多年的爾登豪庭居住。
上週六，張衞健到新加坡做 Big 4巡迴，張茜亦不在港，家中菲傭無王管，攤在梳化睇電視。
張衞健、許志安、蘇永康、梁漢文今年組成 Big 4，由於反應好，已先後十次到外地巡迴開騷。
明星盤
位於數碼港道的貝沙灣，背山面海，保安嚴密，私隱度極高，無論自住投資，都是最受歡迎的「明星盤」。
貝沙灣
有得生
張茜在○八年在接近臨盆前突然流產，根據生殖科毛醫生解釋，婦女若有三、四次流產經驗，會造成慣性流產，一般婦女在四十歲以上懷孕，流產機會更高。
張衞健家人感情要好，張茜跟奶奶（右一）更經常飯聚。
至於因胎死腹中，要人工流產生死胎，可會對懷第二胎有影響？毛醫生說要視乎當時胎死腹中的原因而定，例如是否遺傳、染色體、感染因致流血等不同原因，有些情況如能對症下藥，之後孕婦絕對有機會再懷第二胎。
沒有留言:
發佈留言