【雜誌】媽咪歷劫 張衛健更加孝順

日期: 2013年7月25日
來源: 3週刊，第720期，好姨廣場

媽咪歷劫  張衛健更加孝順 (節錄)

張衛健（Dicky）媽媽余嘉碧早前酒店遇溺，兩度停止心跳和呼吸，經搶救已經康復。上月底已經出院張媽媽，雖然曾經遇溺，但冇因為咁而怕水。相反，佢重好勇敢咁去番同一個泳池游水。

經過今次意外，張衛健更加珍惜同媽咪相處機會。佢以前都會不時陪媽咪食飯行街，依家更加錫住媽咪。上週五（19日）下午，張衛健同媽咪到中環覆診，順便去逛街。佢先將架車泊酒店門口，然後入百貨公司行一陣。佢全程主攻銀包，可惜最後都冇收穫。之後，兩母子再走到附近醫生診所覆診。兩母子全程繑住手，有講有笑，好溫馨。張衛健雖然知道有記者影相，但佢完全冇黑面，只係叫記者要小心，唔好嚇親老人家。兩母子中環漫步行一個圈，然後就返番酒店車離開。